أثارت (حـور) حادثة الزماني=بأسئلة ٍ تريد بها بياني
فجئت و كل نبض قد تكلم=وقد أرخيت للنبض العناني
ألا وشلون ما اجاوب وانا اللي=زماني يعتبر مجني وجاني
حروفي تتعب و يتعب قصيدي=وهمي رغم تقديري عصاني
نويت ابعد و ادوّر عن وسيله=تغير صيغتي وايضاً مكاني
صرخت و زفرتي مع كل صرخه=صرخت من الضياع الي حواني
ترعرع حزني بداخل حياتي=مثل طفل توسل و احتماني
تربى داخل ضلوعي و صنته=من النسيان واعطيته حناني
طفوله طاغيه ياهي طفوله=تمر ايامها مثل الثواني
مضت لي بين حزن وبين ضحكه=رسمها حب ٍ بقسوه رماني
على شانه كتبت احلى القصايد=ينرفزني بحسه ثم دعاني
واصوغ الشعر باسلوب ومزايا=وافجر ماتزاحم في كياني
وابروز نصي الشعري بدمعه=تعزيني على موت الأماني
كئيب إلا عشقتك ياكآبه=اشب الحزن مثل الشمعداني
على اللي شردت قلبي وروحي=وراحت و تركت عيني تعاني
ذرفت لعينها مليون دمعه=و لاهي هلت الدمعه عشاني
تقول أحبك و قلبي يحبك=لحالك تسكنه مافيه ثاني
وفجأه راحت و حزني تعدّا=جعلني أرتمي ماذا دهاني
ولو زادت على المحبوب شعره=تشب النار من بين المحاني
كفاني ماجرا جراء هذي=كفاني ثم كفاني ثم كفاني

وابروز نصي الشعـري بدمعـه = تعزينـي علـى مـوت الأمانـي
كئـيـب إلا عشقـتـك ياكـآبـه = اشب الحـزن مثـل الشمعدانـي