°~*¤®§(§ شبـــكة ويــلان العـربـيـه §)§®¤*~ˆ°

- منتدى المختارات الشعريه (http://www.weelan.com/vb/forumdisplay.php?f=10)

- - بعد غياب ...... دمعي حقيقي (http://www.weelan.com/vb/showthread.php?t=15644)

بعد غياب ...... دمعي حقيقي

ياعرب وان كان تسترني عباتي
من لقى للجرح في صدري عباه

يسألوني وينها بسمة شفاتي=قلت ماتت ما بقى غير الشفاه
..
دمعتين ٍ فوق خدي من شقاتي= دربها محفور بطعون ٍ حفاه
..
صوتي المخنوق في آخر لهاتي= ضامي ٍ ريقه يعذبني ضماه
..
ياعرب وان كان تسترني عباتي= من لقى للجرح في صدري عباه
..
ناس ٍ تسمي عليه في ثباتي = وناس ٍ تـــمد النصيحه بالحصاه
..
صكوا أبواب الأمل سدوا جهاتي= ضيعوا باقيّ.. في وجه الحياه
..
ما دروا إني لحالي في خلاتي = اسجد ودمعي حقيقي في الصلاه
..
كيف لو يدرون عن باقي حياتي= والله إن يقوم للفزعه جــــباه
..
والصبر في حد ذاته هُوْ ذاتي =تفرج الكربه وتلحقهـــا النجاه
..
وان فضح دمعي كثير ٍمن صفاتي= قلت مدري.. آه يا ضيم الخزاه
..
إيه بكذب لجل ما أفقدها رحاتي=يوم كــل ٍ بالغــنى ضيع رحــاه
..
الوفا والطيب والرفعه سماتي=وعيبي أني ما استمع لأهل الو شاه
..
ومن شرق بالصوت يوم أدرك وفاتي= قلت له مسموح من بين الرفاه
..

حنان آل فاضل