لا قال احبك ياعرب ساقني سوق
 

شفت الجمال وشاقني للهوى شوق,,
شوق غمرني والمشاعر حرقها

جميلة تمشي على الارض برفوق,,
سبحان ربي يوم راد وخلقها

فازت على الزينات يوم اعتلت فوق,,
بحسن الادب ياناس ربي فرقها

الله خلقها فتنه لكل مخلوق,,
ملعون ساقي لا وقف مالحقهــا

له خد(ن) له صوره وله خصر منتوق,,
وله كلمة(ن) يازينها لا نطقها

لا قال احبك ياعرب ساقني سوق,,
في بحر حبه روح روحي غرقـها

عشقتها والزين لا شك معشـوق,,
ولو شفت عذراء غيرها ماعشقها

مزيونه العشاق بالشكل والذوق,,
والله يهني من غرامه حرقهــــــــــا


وسلامتكم,,

اخوكم فهد السلقااااوي

رد: لا قال احبك ياعرب ساقني سوق
 

فهد السلقاوي


صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع


دمت بخير

رد: لا قال احبك ياعرب ساقني سوق
 

شكرا لك ولتعليقك الاكثر من رائع

رد: لا قال احبك ياعرب ساقني سوق
 

صح لسانك يافهد السلقااااااوي

قصيده رائعه - من شاعر مبدع

تقل تحياااتي

رد: لا قال احبك ياعرب ساقني سوق
 

العفو وشكرا لك ولحضورك الطيب

رد: لا قال احبك ياعرب ساقني سوق
 

ماشاء الله

اولا صح لسانك

ثانيا انا هذي اول مره اعرف فيها انك شاعر اخي

لله درك

اجدت الغزل

صح لسانك ولاهنت على ماقدمت

دمت بود

رد: لا قال احبك ياعرب ساقني سوق
 

العفو

ومبي خلف يدري ينشب بحلقي وينشف ريقي لا تعلمونه