الصبرالجميل
اخواني الكرام هذة اول مشاركه لي بينكم اتمنى ان تحوز على اعجابكم وان ماحازت الشكوى لله الجود من الماجود ولامانع من نقلها لمنتدى المحاولات من اجل النقد ومنكم نستفيد
لاضاقت أخلاقي وضاعت فكرة الصبر الجميل=أرجع على صفحت هواي المبطيه وأفلها أراجع الذكرى وأغنيها على البحر الطويل=وأعشي ألشنه عشا طيب وأقوم أتلها ياجرح كبدي ياعناي وضيقتي من هالقبيل=بس الوكاد اني اصرف ضيقتي واعلها لاجبت طاري من رجوعه فوق حد المستحيل=انشهد ان كل العروق اليابسات يبلها الجادل اللي مالها عندي شبيه الا النخيل=بشموخها وعذوقها ولا المقيل بظلها ام الكرم والطيب والعفه ونبع السلسبيل=يشمها ذيب الخلا ويعود ماياصل لها راحت وانا اللي مفتديها بالكثير وبالقليل=روحي وماحاشت يميني دقها مع جلها اقفت بها ضروف الزمان ولوذت مثل الدخيل=من دونها عودآمعه شلفا ماغير يسلها خايف عليها ولا انا ماني بعفن ولا ذليل=انشهد ان كل الدروب اللي تجيه ادلها الله كتب لي بعدها وابلزم الصبر الجميل=وان ضاقت اخلاقي رجعت لصفحتي وافلها |
رد: الصبرالجميل
عناد
صح لسانك وعلا شانك تقبل مروري دمت بخير وعافيه |
رد: الصبرالجميل
عناد الغريب
صح لسانــــك , الله لايهينك احيي فيك النُـبل الانساني خصوصا عند قولك خايف عليها ولا انا ماني بعفن ولا ذليل انشهد ان كل الدروب اللي تجيه ادلها وهنا لا اجــــد مااقوله غير ماشاء الله عليك .. أراجع الذكرى وأغنيها على البحر الطويل وأعشي ألشنه عشا طيب وأقوم أتلها تل الشنه ياصديقي ... لعل وعسى تفضي عن صدرك .وترتاح باانتظار القادم والآجمل اكيد يابن غريب ...صح لسانك |
رد: الصبرالجميل
صح لسانك اخي
ابيات رائعه ملفته للنظر بلفتت صاحبها ماشاء الله عليك ولاعدمنا جديدك يالغالي |
رد: الصبرالجميل
الشاعر القادم وبقوة عناد الغريب ..
اولا ارحب فيك بين اخوانك في شبكة ويلان العربية .. وثانيا الف صح لسانك على هذه الابيات الجميلة والرائعة من جميع النواحي.. شعرا واسلوبا ووحدة وجمال الفاظ وعذوبة وصدق .. الجادل اللي مالها عندي شبيه الا النخيل بشموخها وعذوقها ولا المقيل بظلها ام الكرم والطيب والعفه ونبع السلسبيل يشمها ذيب الخلا ويعود ماياصل لها راحت وانا اللي مفتديها بالكثير وبالقليل روحي وماحاشت يميني دقها مع جلها اقفت بها ضروف الزمان ولوذت مثل الدخيل من دونها عودآمعه شلفا ماغير يسلها خايف عليها ولا انا ماني بعفن ولا ذليل انشهد ان كل الدروب اللي تجيه ادلها الله كتب لي بعدها وابلزم الصبر الجميل وان ضاقت اخلاقي رجعت لصفحتي وافلها وهل تعد هذه الابيات الجزلة مما سيحال للمحاولات ؟؟ .. اخوي عناد انت شاعر جزل وما دام هذه البداية فإننا نطمع للمزيد منك ... تحياتي لك .. |
رد: الصبرالجميل
اقتباس:
الاخ الشاعر عناد الغريب مصافحه اولى عالية المستوى0 الجادل اللي مالها عندي شبيه الا النخيل=بشموخها وعذوقها ولا المقيل بظلها سلمت هذه المشاعر وقلب يحمل مثل هذا الجمال0 تحياتي لك وننتظر جديد قلمك حمد الخمعلي |
رد: الصبرالجميل
الله الله على هذا الابداع
وهذه الجزاله لله درك من شاعراً مبدع سطر لنا الروعه والجمال الشعري عبر هذه الفاتنه والباذخه بجميع مقوماتها السحريه الشاعر / عناد الغريب صح لسان وسلم بنانك أبدعت بل وصلت الى قمة الابداع بهذه الرائعه ولله درك على ما قدمته خلالها نزف شعري من الدرجه الاولى وكم نحن بشغف وحماس الى قراءة المزيد من هذه الروائع ومثل هذه الروائع الشعريه تثبت ولا تحال للمحاولات الشعريه اخواني مشرفي الشعر استبيحكم عذراً لتثبيتها دمت بكل خير وتقبل خالص التحايا |
| الساعة الآن (02:31 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه