$$هذا الزمن ماهو زمن صدق واحساس --ولا زمان اللي يبون العداله$$
في زمن تغيرت فيه اشياء كثيرة لان المال والمصالح اصبح الفيصل وهو الميزة الوحيدة لتحديد الناس والتفريق بينهم
ولذلك احببت ان اشارك في هذه القصيدة التي تعبر عن معاناه لشريحة كبيرة في مجتمعنا مع تاكيدي ان في كل زمان رجاله الذين لن يغيرهم الزمن وتقلباته رغم انهم قله في زمن كثر فيه الغثاء اتمنى ان تنال استحسانكم وكل خوفي من ذائقتكم التي لاترضى الا بالجميل والرائع
هذا الزمن ماهو زمن صدق واحساس=ولا زمان اللي يبون العداله وماهو زمن قولت ترى الناس لناس=الاّ زمن حقد ونفاق وجهاله سمعت انا في موقفي دقت اجراس=تنبي عن وقوع الخطر واحتماله انفاس لكن مابها روح الانفاس=تمشي هلع من شوفت اللي جراله غول الطمع والظلم شيئين في راس=تعمي عيون اللي عن الحق داله يبطش غضب من خلف تصوير الانجاس=حتى يدين الضعف قصر مجاله طبطب عليه وقال لاباس لاباس=وين العمل يامحاربين البطاله وين التعامل وسط حارس وحراس=ضاعت حقوق الناس باسم العماله حتى الشعور انباع في سوق دواس=لجل المصالح كل شيءٍ فداله ناس غريبة منها فكري احتاس=باعت مبادئها بسوق الثماله تزرع خداع الناس والاسم غراس=يجني ثمار الفاس لاطاح زاله تغيرت ناسٍ وكانت على ساس=لان الريال اليوم غير خصاله وين الذي كانوا على الفعل نبراس=صاروا ضياع وناسيينٍ فعاله بالله كافي لاتزيدون الاتعاس=هذا الشعور اللي من العام قاله ماهو تذمر لكن الواقع الياس=ان الزمن هذا زمان الحثاله |
رد: $$هذا الزمن ماهو زمن صدق واحساس --ولا زمان اللي يبون العداله$$
الله عليك
اصبت الهدف بكل دقه وابداع الشاعر/المبدع / سالم صالح صح لسانك وطاب فالك والزمن بخير طالما هناك امثالك دمت ودام بوحك الراقي تحياتي لك |
رد: $$هذا الزمن ماهو زمن صدق واحساس --ولا زمان اللي يبون العداله$$
وش اقول ؟؟ اقول صح منطوقك شاعرنا(سالم صالح) اشرح ؟ اقول؟ مايصير القصيده شرحت واقع وزمن نعيشه بدون تزيف بدون تغيير حقائق,,(الا من رحم الله من اهل الطيب والنخوه) يعني قالها الشاعر سالم صالح,, ماهـو تذمـر لكـن الواقـع الـيـاس ان الزمـن هــذا زمــان الحثـالـه |
رد: $$هذا الزمن ماهو زمن صدق واحساس --ولا زمان اللي يبون العداله$$
صح الله لسانك اخوي الغالي لاهنت على الرائعة دمت عزيز |
رد: $$هذا الزمن ماهو زمن صدق واحساس --ولا زمان اللي يبون العداله$$
صح الله لسانك اخوي الغالي سالم صالح
لاهنت على الرائعة |
رد: $$هذا الزمن ماهو زمن صدق واحساس --ولا زمان اللي يبون العداله$$
هذا الزمن ماهو زمن صدق واحسـاس = ولا زمـان الـلـي يـبـون العـدالـه وماهو زمن قولت ترى النـاس لنـاس = الاّ زمـن حـقـد ونـفـاق وجهـالـه سمعت انا في موقفـي دقـت اجـراس = تنبي عـن وقـوع الخطـر واحتمالـه انفـاس لكـن مابهـا روح الانـفـاس = تمشي هلع مـن شوفـت اللـي جرالـه غول الطمع والظلـم شيئيـن فـي راس = تعمي عيون اللـي عـن الحـق دالـه الاخ العزيز/ سالم صالح الله عليك اصبت الهدف بكل دقه وابداع شاعرمبدع ورائع ما شاء الله عليك صح لسانك وطاب فالك ياالذيب والزمن بخير طالما ان هناك مثلك وشرواك لك تحياتي واحترامي |
رد: $$هذا الزمن ماهو زمن صدق واحساس --ولا زمان اللي يبون العداله$$
اقتباس:
الغالي/ سالم صالح صح لسانك ملايين نص يتكلم عن المجتمع و كما عودتنا يا سالم .. دائما متألق و نصوصك لها اسلوب خاص... يعجبني هذا النهج يا بو دانه .. دمت بهذا التألق و الابداع.. لك التقديري و الاحترام |
| الساعة الآن (02:22 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه