°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدى المختارات الشعريه (http://www.weelan.com/vb/forumdisplay.php?f=10)
-   -   يا موالف الجدران ويش أنت لا قـي- (http://www.weelan.com/vb/showthread.php?t=15516)

الصقار 20/03/09 (10:55 PM)

يا موالف الجدران ويش أنت لا قـي-
 
الشاعر : عبدالله بن نايف بن عون الرويس العتيبي



يا كان من ليلة على أرضك تساويت=عيـا وفاقـك لا يـلايـم وفـاقـي

لو كان فالضيفـان مـا قـد ترديـت=وجوك متيـع و تعتنـي بالطراقـي

من يوم طبيتك و أنـا مـا أسفهليـت=لعـل مـا يبقـى لأهاليـك بـاقـي

حاولت أوسع خاطري فيك و أزريت=بيني و بين أطبـاع أهلـك انشقاقـي

واليوم غايـة رغبتـي لـو تمنيـت=فرقاك و أنتـه مـا تبـى إلا فراقـي

واللي على بعده مـن البعـد حنيـت=وينتابنـي عقـب الحنيـن اشتياقـي

نجد وهواه و شوف هاك السباريـت=اللي لها في وسـط قلبـي رواقـي

ومنادمة روس الرجـال المناعيـت=كل أبلجـن لـه فالطويلـة مراقـي

ولحدٍ يواخذ ني ليـا قلـت هاويـت=وضح ٍ تفرق ما اجتمع من ضياقـي

وضح ٍ ليا مني مـن المـدن مليـت=معها انشراحت خاطري وانطلاقـي

أمـا ليـا سنـدت و ألا ليـا نحيـت=مع درب براق ٍ سر الـه شعـا قـي

برق ٍ سرى يوضي كما يوضي الليت=بعروض نوى ٍ ساق مزنـه وساقـي

وتعرضه من رايح الشـرق تثبيـت=يثني على الريض أرقـاب السباقـي

ليا شفت براقه على سيلـه أرهيـت=بيـض مراهيشـه مطرهـا حقاقـي

تذبح لهـا حـي ٍ و تحييلهـا ميـت=وتصبح به الوديان مثـل السواقـي

وأما تحاسنـت العساسـه و عسيـت=ومشيت مـع سيلـه و نبتـه دقاقـي

وألا على دربه ليا أصبحـت شديـت=وخليتهـا تـاط الحثـم و الرقاقـي

وضح ٍ ليا احتست و شافتني أنويـت=قامت تسـوق أنفوسهـا مـا تساقـي

تنجال مثل الصيد لا صحت وأوميت=وألا ليـا طـق اللبيـد العـراقـي

يجيـك ممشاهـا تبـارى تفاخـيـت=مافي بعضها عن بعضهـا انفهاقـي

ولو حال من دون المعشى مراريـت=ترهـي عليـه معربـات العمـاقـي

من ساس وضح ٍ فالجز يره لها صيت=علـى مخاذعهـا تلـوح الحلاقـي

وليا تثنـت فـي نبـات السواريـت=في خايـع ٍ لأرقـاب نبتـه زراقـي

غادي بوسطه لأم سالـم زغاريـت=وفيه الزبيدي مثل بيـض الطواقـي

ثـم جيـت فأولهـا وللنـار شبيـت=وقضب عراقيب الـدلا ل الشلاقـي

ما غبطك يا للي فالحضـاره تلويـت=يا موالف الجدران ويش أنت لا قـي

لو كان فالحصن الحصين استكنيـت=وتقول أنـا مرتـاح مانيـب شاقـي

كانك على هالأنطـواءى استمريـت=وسويـت مـع بـث القنـاة اتفاقـي

أما من السكـر شبعـت و ترويـت=وألا بصرك أوشك على الاحتراقـي

سج النفس واضرب دروب الخراريت=لو ما تذوق مع الخـلا مـا يذاقـي

ما ينطوي في غرفة ٍ فأخـر البيـت=غير الـذي راسـه يبيلـه عراقـي

رابح الغضيان 20/03/09 (10:59 PM)

رد: يا موالف الجدران ويش أنت لا قـي-
 
رائع ياابومحمد

تسلم على ذوقك الرفيع دائماً

مشرفي ابن هندي ودي وتقديري،،،،،،،،

الصقار 20/03/09 (11:04 PM)

رد: يا موالف الجدران ويش أنت لا قـي-
 
اقتباس:

المشاركة الأصلية كتبت بواسطة رابح الغضيان (المشاركة 238935)
رائع ياابومحمد

تسلم على ذوقك الرفيع دائماً

مشرفي ابن هندي ودي وتقديري،،،،،،،،



هلا وغلا فيك ياابو هيثم

والحمد لله على السلامه - اسعدني مرورك وتعليقك -

تحيااتي وتقديري

فهد الشافي 21/03/09 (12:29 AM)

رد: يا موالف الجدران ويش أنت لا قـي-
 
قمة وروعة في الانتقاء والاختيار

مشرفنا القدير ابن هندي

فائق تحياتي

سليمان الجعفري 21/03/09 (01:30 AM)

رد: يا موالف الجدران ويش أنت لا قـي-
 
ابومحمد

صح لسانك ولسان الشاعرعبدالله بن نايف

قصيده رائعه تسلم على الذوق الراقي دائماً

لك تحياتي واحترامي

اميرة الحرف 21/03/09 (10:24 AM)

رد: يا موالف الجدران ويش أنت لا قـي-
 
سج النفس واضرب دروب الخراريت=لو ما تذوق مع الخـلا مـا يذاقـي

ما ينطوي في غرفة ٍ فأخـر البيـت=غير الـذي راسـه يبيلـه عراقـي





اي والله صدق بن عون وصح الله لسانه وسلمت يمينك على النقل يابن هندي

سعود المسعودي 21/03/09 (10:30 AM)

رد: يا موالف الجدران ويش أنت لا قـي-
 
ابن هندي

بارك الله فيك اختيار رائع وجزل



وانت جزل


دمت بخير


الساعة الآن (05:01 PM)

Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه