تكسر الخاطر وأنا خاطري كله كسور = صرت مع جرح الليالي علي ادهى وامر
اه يامرت دقايق وهي عندي عصور = كن لحظتها عليه من ايامي دهر
تايهٍ بي مركبي في دجى ليل البحور = لا قدرت القى مواني ولا عني خبر
كل ما يممت وجهه تودي للعبور = اعترض لي عاصف الموج يعلن بالخطر
لا انت معذورٍ بجرحي ولا الوقت معذور = لا غفت لك عين عيني مطاولها السهر
ما تقدر جرح قلبي ترى هذا غرور = ما تقدر دمعة العشق وتلد النظر
مد يمنى الوصل للي على هجرك صبور= جود في وصلك ونا اعطيك قلبي والعمر
ميسمك يسطى ونا امد لك عطروزهور = ميزتي طيب النوايا ومحصولي جمر
عن هجاد الجرح عطني مفاتيح السرور = واعرف انه في يديك المواصل والهجر
تايهٍ في مهمهة عشق والدرب معثور = والله انك باقيٍ بي الى يوم الحشر
عاشقٍ وافي لو الوقت من جرف بحدور = لكن أنه غير لرب ما يحني الظهر

خلف سالم الجعفري


صح لسانك قصيده رايعه تنبي عن قدوم شاعرجزل ؟؟

تقبل تحياتي وتقديري

اخوك ناصر السويلم

المشاركة الأصلية كتبت بواسطة شاعر البيتين (المشاركة 234755) أولا : حيااك الله وياهلا ومرحبا في هذا المنتدى الشامخ بين أخوانك وخواتك ثانيا : صح لساااانك بدايه تنبي عن شاعر جزل بمعنى الكلمه لي الشرف أن أكون أول المصافحين لهذه الرائعه ياخلف بيض الله وجهك على هذا النص الراقي سلمت ودمت تحياتي وتقديري