بندقك فعلـك والمواقـف "نياشيـن=اما تصيـب الطيـب.. ولا سمـاوي
يوم ان غيري"بندقـه" فعلهـا شيـن=امدهـا ... ولا تخيـب الهـقـاوي
قم يانديبي حـرك الجيـب هالحيـن=واحذر على الموتر وانا اخوك تـاوي
خل الذي براسي يطب الوعـر ليـن=صـم الصخـر يفتهـا بالنـخـاوي

بندقك قلبك / والنوايا براهين = وان زان قلبك ماتخيب الهقاوي
وكثر المرامى مانفع حرب تشرين = انقلبت النيه وماتت عزاوي
وياراعي الفكسار مافيه بعدين = اصبر علي شوي لاتصير غاوي
اليوم تسري لاصبح الليل ليلين = لديار ابوفيصل زبون الجلاوي
عطه الرساله واضحه بالعناوين = وقله ترى مزيد قصيده رهاوي

يامرحبا بالقاف عند الكريمين = في منتدى الويلان والعز ضاوي
ويامرحبا بالشاعر اللي من سنين = تطرب له الشعار وقت الغناوي
الله يجيرك يابوفيصل من البين = والله يفكك من جميع البلاوي
قريت قافك والمعاني مضامين = ومضمون شعرك واضح ً بالحراوي
والزله اللي من ضعوف ومساكين = ماتنحسب زله ومثلك غناوي
مغنيك ربي بالرجال الميامين = وعرفة وجيه ً عرفها عود جاوي
ولاتستشك من كلمة ًبين خبلين = ولو هو عوج لاتلتفت للدناوي
وان طاح من عينك خبيث ً مليعين = هذي بشاره ماتجي بالمناوي
والاجنبي لاصار ذيب وحمر عين = اتعب على عرفه ولو هو نحاوي
ولا الردي لو هو من الناس الادنين = حذرا على دربه تسوق الخطاوي

سلم على مصلح وقله على وين = لويتمنى ماتجي بالمناوي
شاعر ومبدع وانت مثله على الدين = يامزيد المزيد بعد الخطاوي
أقولها هالحين وقول بعدين = أنتم كما نجماً على أعداه هاوي
صوت وصدى بالطيب حطوا نياشين = ألا تصيب ولا تعدىسمـاوي

صح ألسنتكم كلكم . مزيد وعمر دائماً وانتم مبدعين شهادتي بكم مجروحه
لكنني لازم أبدي ماشعر به من أعجاب بنصوصكم الرائعة

تقبلوا هذا الاعجاب بصدوراً رحبه

بالفعل تستحق التثبيت شكرا لخوي رابح على تثبيتها