من أول ٍ قلبي يهوجس باالعنود = ألين باعتني وأنا فطن ٍ لها
وأحساسي المغرم بها دايم يزود = كلما أكلمها وكلما أرسلها
أجود في حبي وهي عيت تجود = وعلى العنود أغار لو من ظلها
واليوم شفت الوضع ذا مافيه فود = مع أن قلبي باالغلا شفق ٍ لها
يالله بنو ٍ يروي جروح الكبود = يمطر على ديار المحل ويبلها
يملى الخباري والفيافي والسدود = شهرين والوسمي عليها يعلها
وترجع لي الحلوه رغم عين الحسود = ياليتها ترجع وترضي خلها
حبيتها من كل قلبي ياسعود = ياسعود خبرها وعني قلها
والله لوريها من أنواع الجحود = واللي عقد روس الحبال يحلها

المشاركة الأصلية كتبت بواسطة رابح الغضيان (المشاركة 226452) الغالي / شاعرالبيتن صــــــــــــــــــح لسانك وطاب فالك قصيدة رائعه من شاعر رائع تحياتي لك

المشاركة الأصلية كتبت بواسطة **masha3el ** (المشاركة 226473) الشاعر الرائع شاعر البيتين صح لسانك مليون واتحفتنا بالابيات الرائعه قصيده جميله ورائعه ولاهنت وبانتظار قصايد جديده منك واتمنى لك كل التوفيق تحياتي ومودتي