قصيدة الشيخ المرحوم محدا الهبداني
 

هنيكم ياهل القلوب المريحة

يالدالهين اللي على بركة الله

هنيكم بقلوبكم مستريحة

وياليت قلبي كل ماجاه ينساه

ينسى هواجيس الضمير المشيحه

ويرضى على غوال حلقه إلى ارخاه

خطو الولد يرضي العلوم القبيحة

ويقفي ويقبل كالهنوف المرضاه

وانا دليلي ما يطيع النصيحه

ياناس عياني دليلي وانا انهاه

ثم قال متبرئا من قومه

ليتني من الصلبان والاصل مابيه

لاسايل عني ولاني بسايل

اقعد على مقر خفي مواريه

برهراهة ما ياصله كود حايل

من الوسم رويان مع الصيف مطغيه

تلقى الخصاب مكوم للزمايل

ألوذ عن دحش كبار علابيه

يهوش كنه باشة للقبايل

متباركين بالموالد بني خيه

على النزول يكثرون الضوايل

أنا بغيت الصبر قلت مشاحيه

ونفسي عيوف ولارضيت الفشايل

نويت أهوم وكافل العبد واليه

والبعد طب للقلوب الغلايل
__________________

رد: قصيدة الشيخ المرحوم محدا الهبداني
 

لاهنت على الاختيار

وصح السان شاعرها