أمسك يديني وانا اطلع من جنوني للصواب=خلني أول ( عنيد أحساس ) عندك يسجنه
بس ناظرني وشفني كيف اغيب بلا غياب=أرحل من العالم لعالم ضياعي واسكنـه
الله اكبر لا همست اشفيك مع ضحكة عتاب=كيف اشوف الجنه بدنياي صارت ممكنه
مد لي كاس العقوبه وأشرب بكاس الثواب=كل موطن للغلا بين الضلوع استوطنه
تدري لولا العشق ما حن لظما الصحرا سحاب=وانا بأحساس الصحاري وانت غيمك حننه
من سهيلك للجدي وانا أحسب نجومك حساب=من شروق النجم لين الشمس صبحك تحضنه
خلني أظما واشوف بسكتي للما سراب=حتى لو جيت ارتويك أشربك بعروقي سنه
كل ما وقفت حرف بآخر شفاهك وذاب=بين عقلي والجنون شوي تكفى جننه
أترك ايديني وانا ارجع للجنون من الصواب=خلني أول سجين أحساس عشقك يسجنه