الضيقه اللي ضيقة صدري وانا ماني بضيق = كنيتها من خوف صدري لايبيّن ضيقها
تدوي بصدر وآتحملها وانا ماني بطيق = لو كان صدري ساحة ٍ يصعب علي تطويقها
هبي علي يانسمة الغربي وعديني طويق = ماالله عطاني نفس ضيقات الصدور تعيقها
انا طموحاتي ماتقارن بالمحيط بالمضيق = وعلى مجرّات النجوم يعزني تحليقها
اما نهد الصعب ونحقق لغايبتنا طريق = ولا بلاش نتعب انفسنا على تحقيقها
والبارحه ليل التوجد له زفير وله شهيق = قاد الجموع ولاعزم رايه على تفريقها
صديت والصده حطبها شب في صدري حريق = من واقع ٍ وقعه بنفسي رشة ٍ ماحيقها
لا عاد عرفك ياشبيه الضبي ياخوه الشقيق = ياوجد حال اللي حواله ماعرف تنسيقها
ضيعتني ضيعة فصيح ٍ زل واغواه الصديق = يبي يوفقها لكن مالله قسم توفيقها
بيني وبينك لو يشح الوصل ويجف الرحيق = ماجف قلبي من شفق شمسك ولاتشريقها
يليق تجتاح الخفوق الصعب واللي مايليق = تصديق مالا يستحق لحضرتك تصديقها
وشلون املّك وانت في عيني عوين المستضيق = الله عليه المعضلات امر من تعويقها
كوّنت في صدري منصة حب واعضاء وفريق = جمهورها اشواق الخفوق وجيتك تصفيقها
تقودني لك هبة النسناس يالغصن الوريق = واتوق لك يادرة ٍ ماارضى على تسويقها
ماعكّر الواقع وخلى الحلم فعيوني يفيق = الا ّ تعدّاي الظروف اللي ماني باطيقها
اللي بقوله جعل ماللبعد والفرقا رفيق = ولا للتقاليد السلوم اللي علي تطبيقها
اللي حدت صدري على الضيقه وانا ماني بضيق = وكنيتها لو كان صدري ماتحمّل ضيقها

المشاركة الأصلية كتبت بواسطة سعوط المجانين (المشاركة 211087) السلام عليكم ورحمة الله وبركاته اسعد الله اوقاتكم بكل خير الضيقه اللي ضيقة صدري وانا ماني بضيق = كنيتها من خوف صدري لايبيّن ضيقها تدوي بصدر وآتحملها وانا ماني بطيق = لو كان صدري ساحة ٍ يصعب علي تطويقها هبي علي يانسمة الغربي وعديني طويق = ماالله عطاني نفس ضيقات الصدور تعيقها انا طموحاتي ماتقارن بالمحيط بالمضيق = وعلى مجرّات النجوم يعزني تحليقها اما نهد الصعب ونحقق لغايبتنا طريق = ولا بلاش نتعب انفسنا على تحقيقها والبارحه ليل التوجد له زفير وله شهيق = قاد الجموع ولاعزم رايه على تفريقها صديت والصده حطبها شب في صدري حريق = من واقع ٍ وقعه بنفسي رشة ٍ ماحيقها لا عاد عرفك ياشبيه الضبي ياخوه الشقيق = ياوجد حال اللي حواله ماعرف تنسيقها ضيعتني ضيعة فصيح ٍ زل واغواه الصديق = يبي يوفقها لكن مالله قسم توفيقها بيني وبينك لو يشح الوصل ويجف الرحيق = ماجف قلبي من شفق شمسك ولاتشريقها يليق تجتاح الخفوق الصعب واللي مايليق = تصديق مالا يستحق لحضرتك تصديقها وشلون املّك وانت في عيني عوين المستضيق = الله عليه المعضلات امر من تعويقها كوّنت في صدري منصة حب واعضاء وفريق = جمهورها اشواق الخفوق وجيتك تصفيقها تقودني لك هبة النسناس يالغصن الوريق = واتوق لك يادرة ٍ ماارضى على تسويقها ماعكّر الواقع وخلى الحلم فعيوني يفيق = الا ّ تعدّاي الظروف اللي ماني باطيقها اللي بقوله جعل ماللبعد والفرقا رفيق = ولا للتقاليد السلوم اللي علي تطبيقها اللي حدت صدري على الضيقه وانا ماني بضيق = وكنيتها لو كان صدري ماتحمّل ضيقها للشاعر / فالح بن قشعم