ثبات الخطوة
 

///


تقودني الخطوة وأنا امشي في وقار وفي ثبات

وأشوفني لقصا الدروب .. اشتاق لجل أوصلها

واللهفة اللي ساكنه وسط الخفوق وبي تبـات

ما عني إلا أروي ضماها.. واستظـل بظلهـا

أصبحت من بين النسا أبحث عن أخيوط النجاة

وأجبرت شعري للمواقف .. في يديـه يشلهـا

أقولها باسم النسـاء الطاهـرات الساجـدات

أحقوقنا نـدري بهـا وأقلامنـا صـوتٍ لهـا

حق الأرامل واليتامى حقهـن فـي ذا الحيـاة

حق الفقيرة والضعيفة..والمعاقـة مـن لهـا

ومطلقه تشكي الظروف وقسوة أيام الشتـات

والمجتمع من حزته .. أقوى سلاحـه سلهـا

وبنت المعارف والعلوم تصبح أمانيها رفـات

والحلم بدراجه رحل .. والواسطة وش حلهـا

كثر العوانس في البلد والحزن بوجيه البنـات

والظلم وأسباب القهر.. والتايهه مـن دلهـا

يا من يقول إن النسا خلف الحجاب مغيبـات

يا من ينـادي بالتحـرر ..والدمـوع يهلهـا

وين أنت عن معنى الحقوق الواضحات البيّنات

وين أنت كانك للمرة .. فعـلاً تريـده جَلهـا

مبدآ التبرج والسفور ماهو بنهج المسلمـات

ماهو طريق ٍ نسلكه .. ولكايـده نفطـن لهـا

بحجابنا نبقى الدرر مثـل الحلـي النـادرات

ما كل من يطمع بهـا سـلّ النظـر واحتلهـا

حنّا حفيـدات أمهـات المؤمنيـن الساميـات

معنى الطهاره والعفاف معنى الحصانه كلهـا



لشاعرة حنان آل فاضل

رد: ثبات الخطوة
 

بحجابنا نبقى الدرر مثـل الحلـي النـادرات

ما كل من يطمع بهـا سـلّ النظـر واحتلهـا

كلام عذب ..شامخ شموخ الجبال
شكر... هند على النقل ..وتحياتي ..للشاعره حنان ال فاضل
تقبلي مروري مع جزيل الشكر

رد: ثبات الخطوة
 

الله الله

فعلا كلام جميل جدا وشعر عذب

اشكرك اختي هند على هذا النقل المميز

شكرا

رد: ثبات الخطوة
 

رد: ثبات الخطوة
 

كلمات جميله

شكرا لك اختي

رد: ثبات الخطوة
 

أشكر تواجدكم العذب

تقبلوا فاائق التقدير

رد: ثبات الخطوة