1) سلامي للي يفهم العلم والشور=عندي وصيه مرسله في قصيدي
2) من هاجسٍ يكتب معانيه بسطور=يبحث عن القاف الصعيب المريدي
3) الله يديم العز والعز مذكور=في كل ديره من قريب وبعيدي
4) اليوم اشوف الشعر ماهو بمخبور=وزن وقوافي والمعاني تحيدي
5) الشعر فن وحبك وبحوره بحور=الشعر وهبه قله اللي يجيدي
6) المشكله باللي اخذ عقله الزور=يمشي مع العالم وراسه عنيدي
7) كرسي وماصه وسط حفله وجمهور=والعقل نعمه واشكر الله يزيدي
8) والشعر ماهو سرقة ابيات وضهور =الله يعين اللي بطبعه بليدي
9) ترى الشعر ياصاحبي حس وشعور=كلٍ وشعره واللي يبرز فريدي
10) ولا هو بعيب إن صرت شاعر ومغمور =العيب لا صرت انت تسرق نشيدي
11) قصدي هذاك اللي يبي يصير مشهور=على حساب الغير يجمع رصيدي
12) ياصويحبي عود على صف طابور= واحسب حسابك قبل تطلع تصيدي
13) هاذي قصيده والخبر عني منشور=قلت القصيده يالله إنك تفيدي
14) وختامها صلو على محمد النور=رسولنا اللي مرشدٍ للعبيدي

المشاركة الأصلية كتبت بواسطة ماجد الجعفري (المشاركة 206127) الغالي سيف العنزي حيااااك الله ..وياهلا فيك صح لسااانك ....ولاهنت ..... . ترى الشعر ياصاحبـي حـس وشعـور كـلٍ وشعـره واللـي يـبـرز فـريـدي 10) ولا هو بعيب إن صرت شاعر ومغمور العيـب لا صـرت انـت تسـرق نشيـدي 11) قصدي هذاك اللي يبي يصير مشهـور علـى حسـاب الغيـر يجمـع رصـيـدي الله لا يهينك ...وسلم منظوقك ... دمت بكل خير ...... تقبل تحياااااتي

المشاركة الأصلية كتبت بواسطة ابن هندي (المشاركة 206145) اللهم صل على محمد وعلى آله وصحبه أجمعين سيف صح لسانك ....وتقبل مروري