ياسيدي جيتك من البعد ناصيك = قصدي وجاهك يكبير المهابه
أحمل تحيات وولا لك واهنيك = برجوع بسمة من جرحنا غيابه
سلطان ابوخالد زبون المداريك = زهاب عود مايحصل زهابه
مدة يمينه هي معاش المهاليك = ماله حلي غير وبل السحابه
يوم ابتسم ياسيدي جعلي افديك = كن النهار اليوم فجفج رحابه
ويوم أنتهض لبوا له الشعب لبيك = لبيه ياراع الوفا والذرابه
يابرد عيد جاك برد يباريك = أسكان أمير الخير سبع الحرابه
ياميرنا اللي تفعل الخير أياديك = يمناه يمنى الخير باول شبابه
واكبر هموم الشعب يامير ماخفيك = شراذم شذت بوسط الخرابه
الشعب كله ماثل بين أيديك = وان جا نهار الكون حنا الذيابه
حنا بني وايل معك مانخليك = اضرب بنا حتى الحديد بصلابه
امن الوطن ماعندنا فيه تشكيك = ولاهمنا لوكان تنبح كلابه
وختامها يامير عساي مابكيك = وتبقى عزيز ياكبير المهابه