يسرح خيالي يبتسم لا نظرها=تشجيرة أنساب الجدود العماليق
كن القلم يهتز لامن حبرها=حروف الجدود الغانمه والمطاليق
فعولً إلى هالوقت باين أثرها=في نهجهم نمشي قرومً ملاحيق
من الجاهليه كم قوم نهترها=بالسيف قبل قبل صنع البناديق
ذي قار تشهد يا عنزه يا فخرها=يوم أنكسر كسرى بوسط الزناديق
واستسلمت لله يومً جهرها=دين النبي يدعي لفينا مسابيق
من حبنا له في حديثه ذكرها=ما ينهزم جيشً نقوده مشافيق
وبعده تروح عصور وقته عصرها=ما يعيش ذاك الوقت كود البواشيق
يوم الجزيره قام يعزف وترها=يوم التفكك والغزو والفواشيق
كل ارض جيناها دفعنا مهرها=ارضً مهرها دم يمشي مدافيق
من تركيا لي حد شاطي بحرها=لامن لفينا أرض ذلو مخافيق
يوم انها بالسيف كلً حذرها=قوة مراس وباس مثل المجانيق
ناسً تشوف الدم جاها سطرها=كن المعارك عندهم شربة بريق
كم شوكةً طالت بسيفه كسرها=يشهد علينا كل صدق المخاليق
حنا حصاد جدودنا اللي بذرها=شيوخً تغرس الطيب غصبً وتعميق
من جا عليهم عينهم هو بهرها=ومنهو تردى الجسم شقوه تشقيق
أما حياته كل قرمً شكرها=وإلا مماته يستره كلمة الضيق
الورع منا غايته يا كبرها=يكره يشوف الضيم في ناسه يحيق
من صغر سنه كل عيبه حقرها=والطيب بحره غارقً فيه تغريق
يحسب حساب العاقبه وش ضررها=من صغر سنه ذايق المر تذويق
يعرف خوافي الناس لامن بصرها=يوم ان غيره صيدته بالسماميق
اللي يجي في عازتً ما نهرها=يدرى عليه وكل حكيه بترقيق
هذي صفات صغارنا من صغرها=كل ما كبر تكبر معه مثل عششيق
يعني تبي أرضه رجولك بترها=وإذا رحمك أيمن شواربك تحليق
أطباعنا هذي لزوم أفتكرها=أطباعنا هذي بليا تلافيق
وأكبر دليل أطباعنا في دهرها=اقرب وابصر في عيونً محاديق
في عصرنا الحالي أبد ما أختصرها=من نسل وايل حاكمين المشاريق
منا أخو نوره ملكنا مترها=راس الهرم مرفوع فوق الشواهيق
ثلاثة أرباع الجزيره أمرها=نهجه كتاب الله وسنته تطبيق
ومنا أخو مريم اميرً عمرها=من طينة كويته قلبها طوابيق
رسسى دعايمها وغصبً حشرها=بين أكبر بلاد البشر أسمها يليبق
وما انسى الخليفه شرقنا في بحرها=ذنبه على البحرين صاروا عشاشيق
من خير مرجانه تنقى دررها=في ذمته صارت مثاب المعاليق
العز لو يبكي دموعه نثرها=وما تسمع الا صوت عبراته شهيق
ادعو معي كل روح ربي قبرها=من رحمتك في جنتك هم مرافيق
اوجزت ما قلته لكم واعتبرها=تاريخنا مصدر فخر فيه تشويق
كاني مقصر اسمحوا ذا قدرها=أنسان أنسى من همومً مطاريق
ابغى السموحه لا تقولوا أختصرها=في خاطري حاجه نظمت الطواريق
ديباجتي هذي وباقي بنرها=زبدة كلامي عاجله دون تعويق
الوقت هذا كل شيً دثرها=قدرك تعرفه من كنوز الصناديق
زللت فقيراً هالزمن ما انغفرها=وان زل راع المال صرنا خواشيق
بالقرش تشري ناس تحفر حفرها=وبالقرش صارولك سوات الدواشيق
بانت مواريها وجانا خطرها=امما نتكاتف واللا صرنا مهاطيق
لاتغرك فلوسك يجيها سفرها=في طيحتك غير ابن عمك فلا يويق
لو كل ضميراً خير ربعه ضمرها=لا يطووق ربوعه سنا الخير تطويق
يا عيال عمي بالكويت وفخرها=يا عيال عمي عزوتي ساعة الضيق
لسان الحميه بالمعزه أمرها=ومن قدركم بالقلب جت نشفت الريق
من هيبتً فيكم يجينا خبرها=تكاتفً فيكم شمخ شمخت طويق
من غايته أنتو وراها نصرها=بعد الله الرحمن صرتوا توافيق
والحين هاكم مبتداه وخبرها=قصه تبي أنجاز من دون تصفيق
غايه لـ أبو تركي زمانً نطرها=صوره بلا تعليق تحتاج تعليق
مواقفه قولوا معي من حصرها=مواقفً بالصدق تحتاج تصديق
يا ما وقف بأفراحنا مع كدرها=جمايله بأرقابنا يا المطاليق
وششي ترى تصويت ياللي تحزرها=صوتً يرد الطيب يحتاج تنطيق؟
من دون منصب فزعته ما ذخرها=وشلون لو صارت سياسه وتطبيق
يا حظكم لو تجتمعبه صخرها=لخدمة أهم اثنين من دون تنسيق
الباديه أرض الكويت يعمرها=ومن جحره الخاين يجليه تنتيق
والثانيه في وسط قلبه نذرها=خدمة ربوعه دون كبره وتدنيق
فزعته تغصب ساعته ما تعذرها=لامن سمع ضيقً بنا صدره يضيق
الساعه اللي في يده ما نظرها=نفسه نساها لفزعته دون تدقيق
تدري حياته لو بكيفه شطرها=ما بين بيته وعنزه دون تفريق
والحين قولوا يستحق ان خسرها=منصب ومقعد دونه أنتم يبي يعيق
حقق لكم أحلام غيره عسرها=قولوا تعسركم يجعل الحلم تحقيق
من طببع النفس الحسد هو قبرها=يا من غفل عقله لزم عقله يفيق
خلو القلوب الحاسده في قهرها=اللي شرت طيرً طلع طير بطريق