°~*¤®§(§ شبـــكة ويــلان العـربـيـه §)§®¤*~ˆ°

هذي رسالـة والفهيـم
يفهمهـا وهيـا طايـره

لامن تعـوذت الرجيـم
بالـك تقـول اسـايـره

واعرف بأن الله كريـم
واحنـا نـدور بدايـره

احدن يقوم من الهشيـم
واحدن تهشـه جايـره

واحدن يدوّر لـه نديـم
غير الجـروح الثايـره

واحدن يموت بهالحريـم
وتكبـر معـه كبايـره

احدن في وقفاته حليـم
مهمـا تفـور الفايـره

واحدن يبي يطلع سليـم
مهما الرجـال تعايـره

والجنس الاخر من يهيم
يشبك ويفصـل وايـره

انثـى تبـدّع بالكـريـم
ومع كـل هـذا بايـره

واخرى لعب فيها الرجيم
وتشفق علـى بشايـره

واخرى تبي منّك النعيـم
وانت الجحيـم بعايـره

الحكمة في حكم الحكيم
والحيرة ذنـب الحايـره

مثل السقامـة والسقيـم
يا يزورها يـا تزايـره

حنـا بشـر والله عليـم
قبـل تصيـر الصايـره

خلك مع الطيـب مقيـم
يلحقـك نـور النايـره

ولاصبت صبها بالصميم
ولاخذت خذها مغايـره

ويالله سترك يـا عظيـم
حتـى هبـوط الطايـره

سعد مسهوج