°~*¤®§(§ شبـــكة ويــلان العـربـيـه §)§®¤*~ˆ° - صار القلم يملي من الفكر محشود

- منتدي الشعراء (http://www.weelan.com/vb/forumdisplay.php?f=8)

- - صار القلم يملي من الفكر محشود (http://www.weelan.com/vb/showthread.php?t=10000)

صار القلم يملي من الفكر محشود

[صار القلم يملي من الفكر محشود =جيش المعاني في خفوقي حشدته
ماكنه إلا ظابطن صف بحنود = متمركزن با القلب يوم اعتمدته
مانيتي للحرب واعد وموعود = لان العدو بسيوف ربعي هجدته
من ربعي الويلان ياكم مولود =يسوى مئات من البشر لعددته
لكنها يم الغضي ناعم العود= الي بنظرات المحاسن رصدته
الناعم المياس ابو قرن مرجود = فتنت عقول الناس شي(ن) وكدته
مـاله شبيهن شفت ياكود ياكود =حور الجنان إن كان وصفه مهدته
مع طوله الفارع على نظرة أخدود =وعيونها سهم المنايا شهدته
متغطرسن متغطرفن مـايبا شهود =يتقن اساليب الدلع مانكدته
الخصر ناحل والصدر نابي إنهود =والجسم متناسق بزينه فردته
وبياضه مصفى بلا نقص مع زود =كنه شعاع الشمس ألىمن رددته
والزول با الخطوه تقل يسحب إقيود =فتنه على كل البشر ماحددته
وإلى ابتسم ينبت على خده ورود =يبلاك في حسنه بلا ماجحدته
السالفه ماهي على وصف مسرود = ماهي بحاجة وصفي الي سردته
حلمن لفاني شايلن شخص برود = قال :انتحر لوشوف خلك فقدته
قلت:ابتعد ياهيه والقول مردود = هذا كلامك في ضميري لهدته
حبل الوصل مع صاحبي دوم ممدود= والى ارتخى بشعر المحبه شددته
ولو غاب عني با الجسد ماهو مفقود=ألى تبينلي خياله نشدته
قال:اشهدنك با الوفاء كاتب عهود= قلت اقسم برب الخلايق عهدته
قال: لتفت جنبك ترا الخل موجود= قلت استمر ياحلم عمري رقدته
ماعاد به دربن على الوصل مسدود=حتى وهو عايب بحلمي وجدته

[/poem]

[/color][/color][/size][/align][/B][/poem][/poem][/poem][/poem]