دنولي اللي للسهال العباعيب=نبي نسج الجيب مع منطقتنا
وصوره ملكنا علقوها علي الجيب=صقر العروبه صورته شوقتنا
اغليه واغلى صورته مركزالطيب=غلاه والله داخل ذكرتنا
محبه ماهي محبت مطاليب==مكارمه في وقتها كرمتنا
هذا ابو متعب هو زمام المواجيب=مواقفه من طيبها شرفتنا
ياسيدي مافيكشك ولاريب=ياالعاهل اللي مالكن مملكتنا
للشعب غيث وللمعادي عواقيب=ياسيدي يمناك ياما عطتنا
يظلنا عن حر شمس اللواهيب=يافخرنا ياذخربا اليا حدتنا
تعيش ياستر البنات الرعابيب=ونجد العذيه عزها اليا نختنا
ليث ليا منه كسر يرعب الذيب=ويردهجمات العدا اليا غزتنا
ولولا المراجل والسيوف المحاديب=مبطي ترا شهب الذيابه كلتنا
ياسيدي صفيت كل المشاريب=عقب التعب تريحت باديتنا
مثل الزلالي مايجي بك عذاريب=دوحة ذرا في ظلها ظللتنا
وان ماوفينا عيب واكبر العذاريب=ولاخير في قصيدنا وسالفتنا
وصلواعلى المختار سيد الاصاحيب=محبه عن كل شك احتوتنا