مرثية والدي لطيف بن عويدات البجيدي العنزي
الا يـالله لاتغــضـب عــــلــيـــه = وصبرني عـلى هـــول البـلـيـه انا عبدك وابي عطفك ولطفــك = مصابي جل ودموعي عصيـه رحل شيخ المكــارم والسجــايا = عن الدنيا تحت رحمة ولــيـــه رحل وكتاب ربه فــــي يمينــــه = على القــــران وافــتــه المنيــه رحل لوهو رحل بالطيب حاضر = فعوله في قـــلـــوب الناس حيه شهود الله بارضه يـــذكرونــــه = بخير وسيــرته بين البـــريــــه تراحيب المطر في طلق وجهـه = وعلى نـــاره تــفــوح الشاذليه يجيه اللي طواه الهــم ضايـــــق = ويقفي دالـــه مــن غــيـر سيه عزيز النفس بايــــام الشـــــدايد = يصيد ويعطي الصيده خــويه عزيز الجـــار صياد الجمايـــل = عصامي عــلى ســنــة نــبــيـه عزيز الجاه جاهـــه يعــــرفونه = رجال هـــونو مــعــه القضيـه عزيز الدار من جـــده وخــــاله = من اسمه لين راس الـــوايليــه اديب يعجب الــنـقـــاد طـــرحه = تزين به حـــروف الابــجـديـه لبيب فــــاهم عــــــدل معـــــلم = يحــــل المشكله لو هي عصيه غريب في زمن جلب المصالح = يطيب ولا يبــي رد الجــــزيه حبيب كــــل خـــلق الله تــحبـه = عســــاه بجنة الخـــلــد العــليـه مكانه مايســـده غــيــــر مــثـله = عـــسانا نقتدي بــــه بالهــويــه فــقـيــدة ربعنا عـــز الـقــرايب = بــني وايــل عــزيزين السميـه حفظ تاريخ وامجاد القــبــيـلــه = نجــــوم في سماء الدنيا مضيه دموع الناس في لحظة رحـيـله = تهامــــل طية من فـوق طـيــه تــحـرى طــلــتـه كــل الامـاكن = تحن لصاحب النفس الرضيـه كأنــي بالـجـبـال اللي رقــــاها = تــنـــوح وكنها بـــارض وطيه تلج مــــوزره واللــي وراهـــا = وتجاوبها مــن الحــزن الحنيـه وكاني بالمبـــاني اللي سكنهــا = تحــلحــل من زاواياها العتيــه وكاني بالغصون اللي غرسهـا = تشكى للــــرياح الــمــوسـميــه وكاني بالسهول اللي وطاهــــا = تضيق ولابــقى منهـــا بــقــيـه وانا من عقب ابويه كن حــالي = نهشها مع غروب الشمس حيـه اليامني نسيت الحزن ساعـــــه = ذكرته بالصبـــاح وبالـمـســيــه وليامني ذكرت اني فقـــدتـــــه = فزعـــــت وضاقت الدنيا عـليه لانه محزمي هو تــاج راســي = دلـيلي عن ظـــــلام الجاهـلــيـه لانه شمعــــة ضوة طـــريقي = تنور لي لـــيال خـــرمـســيـــه لانه فــــــرحتي باول حياتـي = اراقب بس طــلـــتــه الـبــهــيـه لانه قدوتي لاحــار فـــــكري = مقامه حـــد وعـــزومه قــــويه وانا ياحمود راضي بالمــقــدر = صبـــرت وهـــذي الدنيا دنــيه عساه بجنة الفردوس خــالــــد = وعســـى قــبــره مسافـــات مديه |
عساه بجنـة الفـردوس خالـدوعسى قبـره مسافـات مديـه
الله يرحمه ويعطيك الصبر والسلوان |
شاعرنا محمد لطيف
عظم الله اجرك ورحم الله والدك وسكنه فسيح جناته مرثيه موثره وتحمل صفاتاً جزاك الله خير وعظم الله اجرك تقبل تحياتي |
الاخ محمد الطيف
رحم الله والدك واسكنه فسيح جناته وجمعه الله مع النبيين والصديقين والشهداء والهمكم الصبر والسلوان اخوي محمد المعذره المعذره المعذره لم اعلم الا من خلال هذه ( الشامخه ) التي يتميز بها محمد عن غيره رحم الله والدك رحمتاً واسعه 000وتقبل تحياتي عبدالله المعزي |
عساه بجنـة الفـردوس خالـدوعسى قبـره مسافـات مديـه
صح لسانك والله يرحم والدك ويجعل مثواه الجنه |
اقتباس:
اخوي محمد لطيف صح لسانك على هالقصيده التي بصراحه جعلتني اتوقف عن قراتها عدة مرات واحاول ان اكمل قراتها ولم استطع لان كل ماقرات بيت منها تذكرت المرحوم عندما كان ينصحنا ويوجه لنا الدروس والعبر والحكم رحم الله والد الجميع واسكنه الله فسيح جناته والله يامحمد انه بمنزلة والدي لانني تعلمت منه بعض الدروس والنصائح منذوا الصغر وانت تذكر ذلك يامحمد اثناء مراحلنا الدراسيه فكان رحمة الله عليه حريص كل الحرص على توجيه ونصح كل اصدقاء ابنائه والحمدلله والشكر ابشر انه بالجنه باذن الله لان كل اعماله صالحه والجميع يدرك ويعرف ذلك محمد لااستطيع ان ادخل بتفاصيل اعمال المرحوم الجليله لانني احتاج ساعات وايام وشهور وسنوات من اجل ان احصي ولو حتى بعضها تقبل تحياتي يامحمد |
الشاعر القدير
محمد لطيف تحيه طيبه ورحم الله والدك واسكنه فسيح جناته. وصح لسانك على هالمرثيه الذي ماقلت فيها الا الصحيح... اخوي محمد تقبل تحياتي وتقديري. |
| الساعة الآن (01:50 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه