عندما احسست ان صباحي اختلف عن صباحكم
اعزائي اعضاء وضيوف منتدى ويلان اهديكم هذي القصيدة واتمنى ان تحوز على رضاكم
صباحات الهنا ياروع هنا شفته مشى وياي=صباح قد تعانق به طيور الصبح واشجاني صباح لون عيوني بنوره واشتعل جواي=غلا بنت اناديها منى ناصر القحطاني صباحي فيك غير الناس يافرحي ويا مشكاي=اعاندبك عواذلنا واعاند فيك عدواني صباح الحب ياقلبي رسمتك داخلي باحشاي=احفظك داخل بصدري واشوفك زين بعياني صباح طار بك فرحة وغنالي على ليلاي=صباح الورد متلون على ذوقي وبالواني صباح مثل ريح الاصل في اسمك وفي منشاي=صباح جمع اشواقي لعينك ثم تبلاني صباح الهيل والدله مع العفه على مركاي=بمجلس ينشرح صدرة الى من جيتني عاني صباح السكر الغيران في داخل بيالة شاي=الى من غار من شهدك ولا ادري منهو الجاني صباح قد تناغم به عصافير الفجر والناي=تغني بالاسم اسمك وتعزف لك من الحاني صباح قد تسابق فيه خطواتك ومعها اخطاي=على الموعد انا وياك كذا من يسبق الثاني صباح كسر الماضي ووقف بالفرح مسراي=وبشرني بعد عرفك نهاية اخر احزاني صباح الشوق..لك مشتاق..وغيرك ما يجيب دواي=لانك انت بالحالك طبيبي وانت رباني صباح مرسلة لمك واطرز لك معة معناي=يخصك انت بالحالك لحالك بعدك اخواني صباح لون عيوني بنوره واشتعل جواي=غلا بنت اناديها منى ناصر القحطاني |
الاخ دهام صح السانك يشرفني اني اول متصفح لها
تقبل تحياتي |
صح لسانك اخوي دهام
لاهنت يالغالي |
اقتباس:
الاخ دهام صباح الصح ولابداع .. بهذه الاشراقه الجميله .. التي عبرت فيها من خلال كلمات هذه المعزوفه الرائعه صح لسانك ولاتحرمنا من الروائع التي تكتبها ياشاعرنا المبدع دهام دمت بكل خبر |
السلام عليكم
اخوي موسى المشعان صح بدنك ويعطيك العافيه على مرورك العذب والجميل ولا هنت يا الغالي |
اخوي
عبدالله الحجيلان صح بدنك ولا هنت ويعطيك العافية على مرورك العذب |
اخوي
محمد المقبل ياهلا وغلا بمرورك العذب صح بدنك ولا هنت ويعطيك العافية |
الساعة الآن (11:24 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه