الشعر ماجيته وانا خالـي ايـدي=جيته وانا عندي عليه استطاعـه
جيت اسحبه من عتمة الليل للضي=واعطيه عن بعض الوجيه المناعه
اللي يحوسون القوافي من الغـي=يبون فّن القاف واغـدو سناعـه
ما اقول بالشعّار ياصاحبي شـي=كل(ن) حسب جهده ومدة ذراعـه
احدن غدا شعره كما حاتم الطـي=كريم سبـلا للربـع والجماعـه
يسقيه من صافي ينابيعـه المـي=حتى وصل قافه لعّـز ورفاعـه
واحدن خياله بالشعر لّي مع طي=بيته رعـاع وذابحـه بالمجاعـه
مايربطه بالشعـر ياصاحبـي اي=وماله مع الشعار درب وشفاعـه
وانا هنا آقف على منبـع الـري=واسقي يباس القاف فن وبراعـه
واخلق من اللآشي ياصاحبي شي=وألبسه تاج الفخـر عـن قناعـه