الله يفرجها علينا من البيب = الي يصب الزيت عند اليهودي
حتي وانا حالة فقر خالي الجيب= الله يعز اللمملكه والسعودي
والله ماابيعك ياوطن بالعذاريب= لو تنقص الحاجات ولا تزودي
وما دمت طيب ياوطن تعطي الطيب = تبقى حدودك بالخريطه احدودي
وانا احتميك اليا انحدر يمك الذيب= حتى لوانك ماتزود وقودى
وانا سلايل سالم الزير وكليب = يوم الفخر كله غدت به اجدودي
اللي ولاهم للوطن والمعازيب=حكام نجد اللي تفك القيودي
من عهد من هو هذب عداه تهذيب=من علم الاجيال معنى الصمودي
عبدالعزيز منصب المللك تنصيب= يالله عسى الفردوس له بالخلودي
هم غيبوني فيك يا دار تغييب = والا انت تنكرني وتنكر وجودي
اليوم اجر الصوت لك بالمراقيب = الي على جر اللحاين شهودي