من اول اسمع بنار البعد واقفّي =واتجاهل الامريوم يحل طاريها
مااستوعب إن المفارق ناره تصفّي = الين ماشفتني في وسط واديها
والنارقامت تلم الجسم وتضفّي = وانا اتألم واحس بحر مافيها
مالي بقدرة اصد اشوي وانكفّي =متمكنه مني بقبظة اياديها
ماكني الا حطب ولحضنها زفّي = ورضخت غصبٍ لها واقبلت أغذيها
واصبحت جمرة غضا من حرها((اتدفّي))= آهات صدري مع الزفرة تقويها
وجيت اتحامل على بلواي واخفّي = واقول بقوى على الحرقه وطفيها
لكني اقبلت اصفق كفي بكفّي= من شفت حالي ونارالبعد تزويها
ماكنّها الا قنابل دمرت صفّي = رادار حسي عجز إنه يجاريها
وشفت الفرح في خفوقي راسه يذفّي = ومواطن الانس جيش الحزن واطيها
وعروق قلبي بدت في جسمي تجفّي =من عقب مانش ميٍ كان يسقيها
وحتى المشاعر تأن ولالها شفّي = ولافيه منهو على البلوى يواسيها
انا اشهد اني من اول كنت متعفّي= من قبل ماشعر بنار البعد واشكيها
واليوم ماكني الا شخص متوفّي = الروح ماهمها كم عين تبكيها
الله اكبر على الدنيا ولاتوفّي = لوزانت بعين صاحب لا يزكيها
لا بد ماتكشّر بهالناب وتقفّي = وتبين ان الغدر صفوة مباديها

انا اشهد اني مـن اول كنـت متعفّـي=
من قبل ماشعر بنـار البعـد واشكيهـا =
واليـوم ماكنـي الا شخـص متـوفّـي=
الـروح ماهمهـا كـم عيـن تبكيـهـا =
الله اكبـر علـى الدنـيـا ولاتـوفّـي=
لوزانـت بعيـن صاحـب لا يزكيـهـا =
لا بـد ماتكشّـر بهالـنـاب وتقـفّـي=
وتبيـن ان الغـدر صفـوة مباديـهـا =