°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - الا الوطــــن... (http://www.weelan.com/vb/showthread.php?t=18130)

الا الوطــــن...

الوطن يستحق الكثيررر ولكن ابسط مانقدمه للوطن هذي المتوااضعه امال ان تنال على ذائقتكم

ياربي جملني على قافية (أس) = والعجز الاخر واقف" به على (أهــ)
من شاعر" شاش الفكر وسط هالراس = صاح الجنوب وقام فكره ولباه
الا الوطن مانقبل يدوسه انجاس = تبطي شراذيم الردى تدخل ادناه
ناقف على حدوده جنود" وحراس = حنا حماته يابو متعب ونحماه
عطنا الاوامر خط حبر" بقرطاس = تسمع بتحرير الجبل قبل ممساه
الحوثي اللي غلطته مالها ساس = واجب يذوق الذل من فعل يمناه
حنا يمينك بالشدايد ونوماس = ناطى على راس المعادي وندحاه
كلمة سعودي لحلها ترفع الراس = اصغر سعودي لاّنتّخيته بتلقاه
يعني الوطن يكرم عن حثاله انجاس = يبطي شبر واحد ابد ماتخطاه

رد: الا الوطــــن...

الشاعر العذب ... طلال الايداء

صح السانك

ابيات جميله تحمل طابعك الخاص

متميز في جميع نصوصك ... وطروحاتك الراقيه

تقبل مروري المتواضع

رد: الا الوطــــن...

طلال الايداء

مشاعر وطنيه رائعه و كلمات جميله ..
و لا غرابه عندما اقرأ الابداع للرائع طلال الايداء ..
شاعر مميز ..
دمت بخير يا طلال ..

رد: الا الوطــــن...

صح السانك اخوي طلال الايداء
انت شاعر ولديك الموهبه ولديك جميع الادوات الفعاله لطرق ابواب الشعر من اوسعها لذلك اسمحي باخذ نصك الجميل على طاولة النقد والتحليل واتمنا ان تتقبل هذا مني كشخص محب لشعرك
ياربي جملنـي علـى قافيـة (اس)
والعجز الاخر واقف" به علـى (اه)
وهذا البيت الاول نأخذه من باب التحليل وتوضيح هدفه
قصد الشاعر في هذا البيت الدخول من باب القافيه وتوضيحها ولم يتطرق لموضوع القصيده وجعله مطلع للقصيد

من شاعر" شاش الفكر وسط هالراس
صاح الجنوب وقـام فكـره ولبـاه
بالنسبه للشطر الاول يوجد خلل في تركيبه لغوياً بحيث ان بالبدايه قال الشاعر:من شاعرً فتحدث عن غائب وانتصف من الشطر تكلم عن نفسه وقال:شاش الفكر وسط هالراس...
فلو كانت صيغة تركيبه في هذا الشطر على النحو التالي...(شاعر وشاش الفكر من وسط هالراس=صاح الجنوب وقام فكره ولباه)
كانت افضل من ناحية التركيب....
اما الشطر الثاني جميل ويوضح ماكان يقصده الشاعر بالشطر الاول
الا الوطن مانقبـل يدوسـه انجـاس
تبطي شراذيم الردى تدخـل ادنـاه
هنا الشاعر بدا بالموضوع المراد طرحه وهو الوطن وكان واضح فيه والموضوع يستوجب الوضوح

ناقف على حدوده جنـود" وحـراس
حنا حماتـه يابـو متعـب ونحمـاه
وهنا امتداد للموضوع وتاكيد على المعنى بالبيت السابق اننا كلنا جنود وحماه للوطن ووجه هذا البيت لابو متعب
عطنا الاوامر خط حبـر" بقرطـاس
تسمع بتحرير الجبـل قبـل ممسـاه
هنا طلب الامر والسماح للمواطنين بالجهاد وحماية الدار وعدم اقتصار هذا الامر على الجيش وذلك من حماس الشاعر
الحوثي اللي غلطتـه مالهـا سـاس
واجب يذوق الذل مـن فعـل يمنـاه
شدد على ذكر العدو وصرح باسمه ولم يجد له العذر في التعدي على ارض المملكه واوجب الذل له وخذله
حنـا يمينـك بالشدايـد ونـومـاس
ناطى على راس المعـادي وندحـاه
بدا بالفخر بالولاء للقياده ونوه عن ان مصير العدو هو الذل .مع تحفظي على كلمة (ندحاه)
كلمة سعودي لحلها ترفـع الـراس
اصغـر سعـودي لاّنتّخيتـه بتلقـاه
هنا واضح على الافتخار بالارض والجنسيه السعوديه .مع تحفظي على قافية الراس لتكرارها
يعني الوطن يكرم عن حثاله انجاس
يبطي شبـر واحـد ابـد ماتخطـاه
لم يبتعد كثيرا عن البيت السابق ومع تحفظي الشديد لتكرار قافية انجاس

اتمنا منك قبول هذا النقد والتحليل ولو لم تعجبني القصيده لتركت التعليق عليها
تقبل تحياتي

رد: الا الوطــــن...

مشاعر وطنيه رائعه و كلمات جميله ..

ابداع يعانق السماء مع شاعر حلق في فضاء الابداع

يعجز التعبير امام هذه الشامخه بشموخ شاعرها

صح لسانك ياطلال

ودي

رد: الا الوطــــن...

طلال الايداء

شاعر مميز لاياتي الا بالمميز ومشاعر وطنية راائعة والوطن يستحق الكثير منا

قصيدة تستحق الوقوف كثيراً

تقبل تقديري وودي

رد: الا الوطــــن...

الشاعر طلال الايدأ

صح لسانك ابيات نابعه عن حس وطني وحماس كبير

لله درك ..