يا منشغل عني وانا منشغل فيك=تعال شف لي مع غيابك طريقة
لاتحسب انك يوم قفيت ناسيك=لاوالله اني مانسيتك دقيقة
اجلس لحالي واتخيلك وادعيك=لأنك دوا كل الجروح العميقة
طيفك وكلماتك وعطرك وطاريك=مافارقوني كان تبغى الحقيقة
ان نمت اشوفك في خيالي واحاكيك=وليا صحيت جروح فرقى وضيقة
قلبك اعرفه بالمواصل يهقويك=لاكني استغرب وش الي يعيقه
لاتغرك الضحكة ترى القلب يبكيك=القلب يبكي من مفارق شقيقه
لأنك شقيق القلب والقلب هاويك=وغيرك لو انه مر قلبي صديقه
كأنك تبكيني يجي من يبكيك=ويبين دمعك عند كل الخليقة
روح وخل الي يحبك يناديك=مصيره بيسكت اليا جف ريقه

لأنـك شقيـق القلـب والقلـب هاويـك وغيـرك لـو انـه مـر قلبـي صديـقـه كـأنـك تبكيـنـي يـجـي مـــن يبـكـيـك ويبـيـن دمـعـك عـنـد كــل الخلـيـقـة روح وخـــل الـــي يـحـبـك يـنـاديـك مصيـره بيسـكـت الـيـا جــف ريـقـه