اكتشفت ان المحبة لو تعبر عن غلاك=كان كل لفظ منها غرد باحلى قصيد
واكتشفت ان الحلا ماخذ مزايا من حلاك=يوم جاك الزين كله يطلبك هل من مزيد
واكتشفت ان المشاعر كلها لجلك فداك=صاغت بزينك قصايد كونت عقدٍ فريد
واكتشفت ان القصايد سحرها لمت شفاك=تنثر ورودٍ تمايل كل غصنٍ له نشيد
واكتشفت ان المرايا تبحث تدور سناك=في زوايا البيت ترقب جيت اللي له نريد
واكتشفت ان الايادي عشقها لمسة يداك=تفرح بيوم التلاقي كنه العيد السعيد
واكتشفت ان الحدايق تفرح بلفحة شذاك=ترقص انواع الورود بحضرت الضيف الجديد
واكتشفت ان الشواطي بردها نسمة هواك=حركت موج المحبة شوق واحساسٍ يزيد
واكتشفت انك حياتي ارضها وايضاً سماك=تمطر انفاس ومشاعر اسقت عروق الوريد
واكتشفت انك لعمري شمس يحييها دفاك=ذوبت جور المشاعر مثل تذويب الجليد
واكتشفت انك مشاعل قلعتي يضوي مساك=كل ماظليت دربك شفت ضوك من بعيد
واكتشفت انك سهام القلب ورموشك هلاك=تذبح بنظرات عينك قلب فارسك الشديد
واكتشفت انك مهات النور يامحلا نباك=طلتك فيها شعاع يسامر احزان الوحيد
واكتشفت انك بغير الورد ممزوجة اراك= ولجذور الزين صرتي مالكه اسم الحفيد
واكتشفت اني احبك واعشقك مالي سواك=كل نبضه في فؤادي باسمك تقول وتعيد
اكتشفت خمسة عشر ميزة وباقي لي معاك=وماخفي اعظم ولكن هذا يبقى لي رصيد