خلك على ظلمك وقمة غرورك= قلبي قبل هجرك له ايام هاجرك
ماعاد تفرق غيبتك مع حظورك= وماعدتلي ملهم تسميه شاعرك
لعبتها واتقنت (تمثيل دورك) = كم مشهد(ن)ولعتني فيه خابرك
خسران ربحك من تجارة شعورك= واللي ربحته هوخسارة مشاعرك
حب التصنع واحد(ن) من بحورك=ياليتني قبل اعبره كنت حاذرك
الحب صدق احساس ماهو بشورك= تمشي مسير مامشيته بخاطرك
ارواح(ن) الفتها تسبب سرورك= ماجيت اساوم فيه والا اكاسرك
عليت شانك وانت هديت سورك=تعبت وكتوفي حناها مسايرك
ماني محطه في مراحل عبورك=لاقفيت ودعتك ولاجيت ناطرك
ولاني على خبرك ولا قد جورك=ما تنجبر نفسي ولاني بجابرك
انسى غموض وروح دبر امورك= وتلقى بدالي من تحبه وياسرك

المشاركة الأصلية كتبت بواسطة حمد الخمعلي (المشاركة 277422) الاخت غمووووض الشماااااال0 نزف من احساااااس عميق بجرحه0 نعم اكبر خسااااره هي خساااارة المشااااعر0 ماني محطه في مراحل عبـورك لاقفيت ودعتك ولاجيت ناطـرك الله اكبر على هذا التصوير الجميل0 نص مليئ بالحزن والعتب0 لا اجد لهذا الجماااال كلمااات بحجمه الراقي0 دمتي وسلمتي وصح قلبك0 تقديري

المشاركة الأصلية كتبت بواسطة **masha3el ** (المشاركة 277444) ماني محطه في مراحل عبـورك لاقفيت ودعتك ولاجيت ناطـرك ولاني على خبرك ولا قد جـورك ما تنجبر نفسي ولانـي بجابـرك الله الله غموض الشمال صح لسانك وبدنك الى ان ترضي قمه الروعه ونزف المشاعر في نصك كلمات لامست القلب ما شاء الله عليك ننتظر جديدك دمتي بخير تحياتي ومودتي