سـود الليالـي يامحمـد وطـنـي=حالي هزيلة والسنـه كلهـا ريـف
يبسـن تراقـي عاتقـي ونحلنـي=قضى اللحم غير العصب والغضاريف
إيـدي والرجلـيـن مايساعـدنـي=أكبر عليه كـون يأجيـت أباقيـف
مأكـن يومـا بالطويلـه رقـنـي=عن السهل نختار رؤس المشاريـف
واليـوم عيـّن للـدرج يطلعـنـي=الحيل قصـر والركايـب مناكيـف

ياخـوي يامشكـاي بالـك تونـي=ترى كبير القوم يترك إلـى عيـف
أحذرمـن الخفـرات مايرحمـنـي=والله لـولا ذاك ماهـن موالـيـف
إن حلّ بالمذكـور رمـح المطنـي=تضيع دلوه بين شقـم المغاريـف
ماينفـع الرجـال كثـر التمـنـي=ياصار وقته مايساعد على الكيـف
واللي هفا بسنين مبطـي مضنـي=يوم النشاط ونط رؤس المشاريـف
هيهات يرجع دور سنـك وسنـي=قبل الكبر وظروف بعض الصواديف
تبدلـة ياخـوي مـار أرجهـنـي=هذا الصحيح وخل عنك السواليـف

المشاركة الأصلية كتبت بواسطة ابو غرام (المشاركة 268882) هيهات يرجـع دور سنـك وسنـي....قبل الكبر وظروف بعض الصواديف تبدلـة ياخـوي مـار أرجهـنـي....هذا الصحيح وخل عنك السواليـف = الله يرحمنا ويقدينا اليا شبنا ولايطشنا عن الحيل إليما نموت صوت وصدى ولا أروع وابيات درر ... لله دركم عليها اشهد بالله ان هذا القصيد واشهد بالله هذا لب الشعر وأسأل الله لزعل السلامه والعافيه وطول العمر في مرضاة الله ولمن رد عليه وللكاتب هذا وذوينا ولكل من قرأ او مر من هنا دمت بود يابو عبدالله وأشبعتني شعرا هذا اليوم

المشاركة الأصلية كتبت بواسطة ساجر الحثربي (المشاركة 268901) الحيل قصّر والركايب مناكيف ((((عنون عن قصايد يسرحبك في دوامت الذكريات)) الله يعطيهم الصحة والعافية ولك مني جزيل الشكر

المشاركة الأصلية كتبت بواسطة صالح الضويحي (المشاركة 268929) أحذرمـن الخفـرات مايرحمـنـي والله لـولا ذاك ماهـن موالـيـف إن حلّ بالمذكـور رمـح المطنـي تضيع دلوه بيـن شقـم المغاريـف ماينفـع الرجـال كثـر التمـنـي ياصار وقته مايساعد علـى الكيـف انشهد محمد خلف الزايدي انعشنا بالشِعر الحقيقي كهذا الحضور سئمنا من ثلة " طقها وألحقها " مللنا " شعراء الغفله" نبي شِعر كـ هذا .. النص .. لاتغيب .. سننتظرك دائما كل الاحترام والتقدير