°~*¤®§(§ شبـــكة ويــلان العـربـيـه §)§®¤*~ˆ°

- منتدى المحاوره (http://www.weelan.com/vb/forumdisplay.php?f=32)

- - خلف الغريب حضر هنا (http://www.weelan.com/vb/showthread.php?t=14992)

سلامة الجعفري

ياخلف حضر هنا نبغى نناقشك بقضيه = وانت رجال ٍ نعرفك ماتقول الا الحقايق
بانقطاع النت عنكم ويش الاسباب الخفيه= خايف انك قاطع الكيبل وتشعل به حرايق

خلف الغريب

يا هلا بك يا ابن وايل في محل الوايلية=بس انا من بعض امور الناس مشغول وضايق
البلا يا ابن الاكاريم من شركة غبية=همها سرقة جيوب الناس من ضمن السرايق

سلامة الجعفري

لايكون انك على غفله وزير الداخليه = تسهر وفكرك يهوجس بالثواني والدقايق
من سرق يلقى الجزا من عند خلاق البريه=انت سدد كل فاتورة تجيك وصير رايق

خلف الغريب

يا سلامة لو لنا ببعض السوالف مقدرية=كان ما باق الدراهم من جيوب الناس بايق
وانت لا تحسبك بالدولة وزير الخارجية =مير وثق مع وزير اعلامها حبل العلايق

سلامة الجعفري

الله اكبر ياخلف واثريك لك عشرين نيه = مار وجهك للوزى لن كان ضيعت الطرايق
مالك الا انك تهيجن باللحون السامريه = كل ماطافوك خلق الله وجيت من اللحايق

خلف الغريب

صح انا بعشرين نية وانت يا النشمي بـ( مية )=ما عليك خلاف .. قدمك قايد ويقفاك سايق
يوم اهيجن بالخلا ما ودي اكسب لي ردية=اسبقوا سبقة دخينة يا مدورة السبايق

سلامة الجعفري

ماكسبت المرجله لو كان ماطالت يديه = وانت لو نعطيك معنى جبت للمعنى عوايق
يوم جينا بالشداد اللي على ظهر المطيه = قمت من غيظك تحذرنا وتعطينا وثايق

خلف الغريب

ما نسبك يا رفيع المنزلة .. والنار حية =يوم في صرافة الاعلام دزيت البطايق
ما كسبت من مغزاك شعيلة او بنت العبية=ميزة الغربان وسط الجو تكثير النعايق

سلامة الجعفري

مارمتك الا ظنون ٍ ذمتي منها بريه = ابك انا لو بعت نفسي ماترجيت الخلايق
والكلام اللي تقوله ماهو بلا يق عليه = مار من حشمتك مااسمعك هرج ٍ غير لايق

رد: خلف الغريب حضر هنا

كفو والله وقواكم الله بدايه طيبه وبانتظار تكملتها

يا هلا بك يا ابن وايل فـي محـل الوايليـة
بس انا من بعض امور الناس مشغول وضايق
البلا يا ابـن الاكاريـم مـن شركـة غبيـة
همها سرقة جيوب الناس من ضمن السرايـق

لايكون انك على غفلـه وزيـر الداخليـه
تسهر وفكرك يهوجس بالثواني والدقايق
من سرق يلقى الجزا من عند خلاق البريه
انت سدد كل فاتورة تجيك وصير رايـق

رد: خلف الغريب حضر هنا

يا سلامة لو لنا ببعض السوالف مقدريـة
كان ما باق الدراهم من جيوب الناس بايق
وانت لا تحسبك بالدولة وزير الخارجيـة
مير وثق مع وزير اعلامها حبل العلايـق

صح لسانك يابو خالد

رد: خلف الغريب حضر هنا

صح الله السنتكم جميعا

شعار مبدعين

امتعتونا لاهنتو جميعا

رد: خلف الغريب حضر هنا

رائعين كما عهدناكم

ومدارس شعريه

دمتم ودام هذا الابداع المشرف

رد: خلف الغريب حضر هنا

ياسلام

صحة ابدانكم ولاهنتو على هالطاروق

,,

رد: خلف الغريب حضر هنا

سلامه الجعفري

و

خلف الغريب

مبدعيييييين

الله يعطيكم العافيه وانا متااااابع بقووووه..