°~*¤®§(§ شبـــكة ويــلان العـربـيـه §)§®¤*~ˆ°

السلام عليكم ورحمة الله وبركاته

محاوره بيني وبين ذيب المقاطي جرت في احد المنتديات اتمنى ان تحوز على رضاكم والبدايه كانت من عندي

ماجد الولدعي

سمعت ان المقاطي ياعرب مابه حكي يخفاه = يشوف اللي ورا بيشه لو انه من ورا الحره
وانا لامن دفنت البيت ماظنـي تبـا تلقـاه = تبا تبطي يابن برقا ولا حصلت لـه جـره

ذيب المقاطي

هذا شيً طبيعي مـن عـرق يمنـاي ياهـذاه = وعلمي معك بكره والقريـر العالـم تقـره !!
معي مجهر رباع ابعاد يكشـف داه قبـل دواه = وشرطي معك في سلك الحرير اليا رخا جره !؟

ماجد الولدعي

والا ياذيب جاك الذيب في راس الجبال اعواه = مصيرك والله العالم مصيـر محمـد الـدره
معك مجهر لو تفك البشر من شره وبلـواه = وانا ماظن عقب البل تصبـح عالـم الـذره

ذيب المقاطي

والا ياحظ ذيب فذيب في وقتً قليل غـذاه = ولو ان الصراحه بحرها يغرق على بره !!
مدام انك معزب جاك طرقي قرب معشـاه = وشكر الحب في سن الرحا ونهايته بره !!

ماجد الولدعي

ترى حبيّب يابن برقا يالولا اللَه ثم لـولاه = ماذاع الصيت بالعتبان عند الناس بالمـره
ولو مات الزعيم اللي يقود الجيش في يمناه = جموع عتيبه الهيلا تبا تبكي مـن الحـره

ذيب المقاطي

عسى الله يبقي حبيب ومستور و" خلف " وسراه = ويمحق صورتك ياللي تحيي ( عمرو الفره )!؟
اذا مات الزعيم يجيـه وراثـره تحكـم الجـاه = وزادك من طمع ياكل منه ( ياعاقل المـره ) !؟

ماجد الولدعي

زمن مطلق ذهب ياجعل في دار السعد مثواه = وذا الحين الجلاوي يرفع المـوال ويجـره
انا يوم اني ابّرق براس الضلع من ماطـاه = ماقول الا الله الوالي يسر العبـد ويضـره

ذيب المقاطي

ابو باكور باكوره خذاه الشبل فـي يمنـاه = ومثلك ماطلع له صيت في ممشاه بالمره !؟
يبرق مار مايدري ياليته يحـرث بممشـاه = على قول المثل ماكل مره تسلم الجـره !؟

ماجد الولدعي

طلع واحد شبل لكنّ عشره ماهم بحليـاه = وصيتي تعرفه لاصار فيها كـره وفـره
ولا يقطعك يادنيا ً تحط الذيب جنب الشاه = انا خايف بعد مده معـا علبـاه تجتـره

ذيب المقاطي

عكس سلك المنابر يوم نوره من جهل طفاه = بدى فالشك والريبه وعينه جات محمره !؟
لو الطقه براس صغير ماتزعل كبار النـاه = لخلي صاحبي من حر مابه ثوبه يطـره !؟