((العيادات))
إليكم العيادات كما هي ومن غير مقدمات
يمكن تنال بعض اعجابكم ورضاكم،،،،،،،،،
ياليتني ماجيت قسم العيادات=صادفت حوريه على صورة انسان ماني بيمه بس قالت سلامات=هي قالته : فرفشت من غير جنحان فكرت اكسبها ببيتين جزلات=قلت اسمعي شاقول ياعود ريحان من شان عينك باتفنن بالابيات=واصير لك شاعر وراوي وفنان بالشعر لي دوله تهابه دويلات=واهز واشنطن ولندن وطهران وعندي على بحور الشعر سبع موجات=واخيرك يازين باشكال والوان وبنيت في سطح القمر لي مدارات=اقطارها عينك ورمشك والاوجان وتردده يفوق كل القنوات=ارسالها همس ومشاعر ووجدان ياللي اسرتيني بسودٍ ظليلات=سبحان ربٍ صورك جل سبحان لو آصفك قالو خيال ودعايات=معقول فوق الارض يوجد كذا انسان تقول لي بالهون ياابو الخيالات=وبعض الخيال بدهورك في خبر كان تشر علي تقول دورك ترى فات=شف الممرض يزهمك دوركم حان هي صادقه نادوا علي خمس مرات=ماني هنا ياناس .. فيضت وديان هي طالعه وانا دخلت الملفات=ابي عيادة باطنه رحت الاسنان نسيت مافيني وعفت العلاجات=واصبحت متعافي ولاني بمرضان طلعت آبا اعرف وين راحت وبسكات=حصلت خيه يصرف علاج عجلان حركت وبسرعة قطعت الاشارات=الرنج راح وسايق الرنج بطران ضيعتها بالحي بين العمارات=فلل تشابه بالزوايا والاركان ضيعت بيته وسط حارة بهاوات=في حي راقي ما سكنه شخص طفران سيارتي شبهه , بحيه همارات=وفياقرا وجموس ماتشوف نيسان لفيت حارتها يجي عشر لفات=طلع علي جاره يقول انت سكران قلت العفو .. مضيعٍ لي قرابات=مامرك اسم فلان وفلان وفلان اسماء غريبه جبتها كيف هي جات=ناظر وقال الله يشافيك تعبان الله خلق خلقه وفيهم درجات=وهي بنت عز وزاد من شانها شان مصيفها بيروت وإلا الاهرامات=وانا مصيفي بين طلحه وشعبان الفرق واضح بيننا في علامات=وهقت نفسي كيف انا كنت غلطان قصده تعاطف يوم قالت سلامات=وجيتك من اقصايه على غير عنوان والموعد اللي من سنة بالعيادات=طوفته بساعة على شان الاعيان أخوكم:رابح الغضيان |
رد: ((العيادات))
صح لسانك ملايين ..... قلتها مسبقا واقولها الآن يروي النفوس بشعره الرناااااان ....... لله درك يارابح غضيااااااان اذا كان للإبداع صناع فأنت احد صناعه ....... امتعتنا بهذه الرااااائعة ,,, راقت لي كثيرا جل احترامي وتقديري |
رد: ((العيادات))
صح لسانك الشاعر الفذ رابح الغضيان يا سلام عليك
ابدعت من جميع الجهات تقبل اجزل التحايا مسعد النافل |
رد: ((العيادات))
اقتباس:
تقبل احترامي وتقديري |
رد: ((العيادات))
بالشعر لـي دولـه تهابـه دويـلات------------واهـز واشنطـن ولنـدن وطهـران
وعندي على بحور الشعر سبع موجات------واخيـرك يازيـن بشكـال والـوان وبنيت في صطح القمر لـي مـدارات-------اقطارها عينك ورمشـك والاوجـان وتـردده يفـوق كــل القـنـاوات------------ارسالها همـس ومشاعـر ووجـدان رابح الغضيان ..كفو ..قول وفعل مبدع كما عهدناك ... تقبل مروري ولك فائق تقديري |
رد: ((العيادات))
اخوي صح لسانك
ولكن على مااضن ان هناك في البيت :ياللـي اسرتينـي بسـودٍ ظلـيـلات سبحان ربٍ صـورك جـل سبحـات( هنا خطا مطبعي )والبيت الصحيح هو ياللـي اسرتينـي بسـودٍ ظلـيـلات سبحان ربٍ صـورك جـل سبحـان قصيدة جزله ومشكور وتقبل تقديري |
رد: ((العيادات))
اقتباس:
الكاتبه الراقيه اخلاقا وقلما وحضور (الجااادل) عطور مرورك هو من جمل متصفحي حضورك الاول هو من اعطا هذا النص المتواضع امام شموخك الروعه دمتي ودام حضورك.... صح بدنك ورفع الله قدرك وشانك لاعدمتك يااختي الغاليه تحياتي واحترامي لك |
| الساعة الآن (09:56 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه