ياصاحبي لامن لفى منّي قصور=أعرف ترى الرجّال ماهوب كامل
اقولها لك في صراحه ومعذور=لإن الحقيقه وجه , ماعرف اجامل
لاصرت تنصحني على الكذب والزور=مانيب مبدع دام هالراس هامل
انا رجل اتعب على الصدق مااخور=ماهو تباهي , لكن النفس تامل
إنه توصّل صوت شاعر ومغمور=للمستمع بافضل سلوك التعامل
السالفه ماهي خلافات وعصور=ولاهي بقولة خايفٍ وإلا صامل
السالفه إن الشعر جوهرة نور=يكون فيه الحس والصدق شامل
فهمتني يوم اني ماخذت لك شور=ماهو قصورٍ فيك وإلا تحامل
هي فطرةٍ نابع معه صادق شعور=وعبر به لساني وخط الأنامل