راعي الوفا دايم تحطـه بيمنـاك=ولا ردي النفـس وش ينبغـابـه
اللي يمرك بـا العجـل ويتعـداك=وللضيف ما يفتح مغاليـق بابـه
خوي حاجه ويتمسكن ليـا جـاك=لبس النذاله مثـل لبسـه ثيابـه
من لا يحفظك با الصداقه وينساك=عطه النصايح ثم تكسـب ثوابـه
ومن لا يقدر وقفتك يـوم ينخـاك=خلـه يولـي لا تحسـب حسابـه
ماهوب طيب رد يوم الله أغنـاك=ماهو وصل يطمع بشـي دراابـه
كان أنت تجهل وش حياتك ودنياك=دنياك ما تسـوى جنـاح الذبابـه
لا صار ما أسس على الدين مبداك=تضيع ما بيـن الـردي وخرابـه
هذي نصيحه والهقاوي بشـرواك=ومن تاب تاب الله عليـه بثوابـه
طـع الله وسنـة نبيـك بدنيـاك=تلقى الهنى وتجزى عليها المثابه
حقن بشوف العين ماظن يخفـاك=عساك تحشر مع كبار الصحابـه