مع غيبة خيوط الظلام و طلعة خيوط الفجر=كان الوعد بالسدره اللي ما بعد مريتها
أقبلت ادرج خطوتي و امشي تحت نور القمر=و اردد ابيات" لميعاد الغلا سويتها
أردد ابياتي بصدري وانا اتوخى الحذر=أخاف من زله توهقني ليا زليتها
و مابين انا ماشي بدربي من ممر إلى ممر=و وصلت جذع السدره اللي من غلاها جيتها
إلا و صوت اقدام مضنوني مع اوراق الشجر=كنه يحيي جيته يمي و انا حييتها
من خف خطواته ما تترك بعد ممشاها أثر=و إلا هنا يا ثقل منزلها و مكبر بيتها
في حينها شفت السما به بدر و قبالي بدر=لحظه عساني ما اعدمها كل ما اتمنيتها
و أبياتي اللي كنت ارددها بصدري من عصر=ضاعت!! و ما كني لميعاد الغلا عديتها
ورجعت اصوغ ابيات شعري له شطر . شطر . شطر=و من زود فرحة خاطري في جيته غنيتها
غنيتها و أنا بوجهي حزن و بصدري قهر=من حزة يضيق بالي كل ما استنيتها
حزة وداعه لانتهى الموعد و جا وقت السفر=و ناظر لساعة يده لامنه وصل توقيتها
بس المهم رحبت باسمه بالجوارح و الشعر=ترحيبة يروق بالي كل ما اطريتها
يا مرحبا ترحيبة" تشبه لزخات المطر=لا بللت معطفتك الملفوفه و ضميتها
لبيه يا نورك ليا اضفى عالمي شبر . شبر=لبيه لا من دلني حروتك لا ضليتها
لبيه يا سكة ضلالي يا هداي المنتظر=اللي لعينه ناس كارهها و ناس اغليتها
يا فاتني يا ورثة بيوت المعزه و الفخر=ياللي أحاسيسك تلبيني ليا ناديتها
يا اسمى الخصايل و الصفات اللي تضمنها بشر=يا معجزه لو جيت اوصف حسنها ما اوفيتها
تدري اشلون بدون كثرة فلسفه و بالمختصر=قلبك مدينة حب طابت لي و انا احتليتها
لو الثمن عمري لشوفك قلت يفداك العمر=روحي لشوفك لا قسم بالله ما عزيتها
ما جيت لك و انا أبي "اصطاد بالماء العكر"=جيتك و أنا عروقي بدم أهل الشمال أسقيتها
ما جيت أبا استغل طيبك بالدهاء و بالمكر=جيتك على نهج الرجال اللي يشرف صيتها
جيتك و انا ابا اضفي على منكبك جلباب الستر=هذي نواياي الشريفه عنك ما خبيتها
جيتك و انا مليان راسي بالطنا منذ الصغر=يوم اني اجهل قيمة الغلطه إذا أخطيتها
قدام لايطلع لشعري فيك صيت و لاذكر=يوم اني ادرك شوفتي لك كل ما بغيتها
و الحين لامن جيت اشوفك مت و آنا منتظر=ياليتها ترجع بنا أيام الزمن ياليتها
يا صاحبي جت حزة فراقك و جا وقت السفر=و اللحظه اللي خفت منها وصلت لتوقيتها
لكن قبل لا تروح ودي التمس منك العذر=عن كل زله مني بحقك و انا زليتها
يمكن بعد ميقاف هالسدره ما يجمعنا القدر=ولا يبقى الا اشرطة ماضيك لا فليتها
و اقفيت و آنا اقول يا قلب الوفا كل الشكر=لانك تداركت العروق الميته و احييتها

المشاركة الأصلية كتبت بواسطة مشعل غريب الضوي أتيت لأصافح قلوبكم بهذه القصيدة بعد طول الغياب الـسـدرة مع غيبة خيوط الظلام و طلعة خيوط الفجر=كان الوعد بالسدره اللي ما بعد مريتها أقبلت ادرج خطوتي و امشي تحت نور القمر=و اردد ابيات" لميعاد الغلا سويتها أردد ابياتي بصدري وانا اتوخى الحذر=أخاف من زله توهقني ليا زليتها و مابين انا ماشي بدربي من ممر إلى ممر=و وصلت جذع السدره اللي من غلاها جيتها إلا و صوت اقدام مضنوني مع اوراق الشجر=كنه يحيي جيته يمي و انا حييتها من خف خطواته ما تترك بعد ممشاها أثر=و إلا هنا يا ثقل منزلها و مكبر بيتها في حينها شفت السما به بدر و قبالي بدر=لحظه عساني ما اعدمها كل ما اتمنيتها و أبياتي اللي كنت ارددها بصدري من عصر=ضاعت!! و ما كني لميعاد الغلا عديتها ورجعت اصوغ ابيات شعري له شطر . شطر . شطر=و من زود فرحة خاطري في جيته غنيتها غنيتها و أنا بوجهي حزن و بصدري قهر=من حزة يضيق بالي كل ما استنيتها حزة وداعه لانتهى الموعد و جا وقت السفر=و ناظر لساعة يده لامنه وصل توقيتها بس المهم رحبت باسمه بالجوارح و الشعر=ترحيبة يروق بالي كل ما اطريتها يا مرحبا ترحيبة" تشبه لزخات المطر=لا بللت معطفتك الملفوفه و ضميتها لبيه يا نورك ليا اضفى عالمي شبر . شبر=لبيه لا من دلني حروتك لا ضليتها لبيه يا سكة ضلالي يا هداي المنتظر=اللي لعينه ناس كارهها و ناس اغليتها يا فاتني يا ورثة بيوت المعزه و الفخر=ياللي أحاسيسك تلبيني ليا ناديتها يا اسمى الخصايل و الصفات اللي تضمنها بشر=يا معجزه لو جيت اوصف حسنها ما اوفيتها تدري اشلون بدون كثرة فلسفه و بالمختصر=قلبك مدينة حب طابت لي و انا احتليتها لو الثمن عمري لشوفك قلت يفداك العمر=روحي لشوفك لا قسم بالله ما عزيتها ما جيت لك و انا أبي "اصطاد بالماء العكر"=جيتك و أنا عروقي بدم أهل الشمال أسقيتها ما جيت أبا استغل طيبك بالدهاء و بالمكر=جيتك على نهج الرجال اللي يشرف صيتها جيتك و انا ابا اضفي على منكبك جلباب الستر=هذي نواياي الشريفه عنك ما خبيتها جيتك و انا مليان راسي بالطنا منذ الصغر=يوم اني اجهل قيمة الغلطه إذا أخطيتها قدام لايطلع لشعري فيك صيت و لاذكر=يوم اني ادرك شوفتي لك كل ما بغيتها و الحين لامن جيت اشوفك مت و آنا منتظر=ياليتها ترجع بنا أيام الزمن ياليتها يا صاحبي جت حزة فراقك و جا وقت السفر=و اللحظه اللي خفت منها وصلت لتوقيتها لكن قبل لا تروح ودي التمس منك العذر=عن كل زله مني بحقك و انا زليتها يمكن بعد ميقاف هالسدره ما يجمعنا القدر=ولا يبقى الا اشرطة ماضيك لا فليتها و اقفيت و آنا اقول يا قلب الوفا كل الشكر=لانك تداركت العروق الميته و احييتها مـشـعـل الـضـوي

المشاركة الأصلية كتبت بواسطة أحمد الحجيلان مشعل ....... تحية طيبه قصيدة يتنفس العاشق فيها نسيم المشاعر ويرى ظبية الوادي بين الزهر والريحان الشاعر مشعل غريب الضوي ........ ملأ الله فاك درا

المشاركة الأصلية كتبت بواسطة مصلح النشمي مـا جيـت لــك و انــا أبــي "اصـطـاد بالـمـاء العـكـر" جيـتـك و أنــا عـروقـي بــدم أهــل الـشـمـال أسقيـتـهـا مــا جـيـت أبــا اسـتـغـل طـيـبـك بـالـدهـاء و بالـمـكـر جيـتـك عـلـى نـهـج الـرجـال الـلـي يـشــرف صيـتـهـا جيتـك و انـا ابـا اضفـي علـى منكـبـك جلـبـاب السـتـر هــــذي نــوايــاي الـشـريـفـه عــنــك مـــــا خـبـيـتـهـا جيـتـك و انــا ملـيـان راســي بالـطـنـا مـنــذ الـصـغـر يـــوم انـــي اجــهــل قـيـمــة الـغـلـطـه إذا أخطـيـتـهـا الله الله الله عليك يامشعل الضوي عزالله انك (مشعلٍ )بالشعر نور ....................وعزالله ان اصل الشعر صار (ضوي) صح لسانك مليار رائع بكل ماتعنيه الكلمة واشتقنا لابداعاتك يالغالي درر ولا فض فوك اطربتنا كعادتك بالتألق وحلقت في سماء الابداع فلله درك من شاعر لك الحب والتقدير ولا تحرمنا هطولك تحياتي لك

المشاركة الأصلية كتبت بواسطة ابو خالد الفقيري اخوي مشعل : الحمد لله على السلامة ... ابدعت في ( السدرة )وهكذا انت مبدع كالعادة ... القصيدة بصوتك احلى ... في مجلس ابو باسل .. عشت وعاش هذا الابداع المتجدد.... تحيات برائحة المطر وريح الشمال ونسائم هداج ... دمت بود...

المشاركة الأصلية كتبت بواسطة حمد الوايلي اخوي/مشعل الضوي مااجمل هذا التصوير ومااروعة ينقل القارئ الى خيال ذلك السدرة صح لسانك ولا فض فالك تقبل تحياتي

المشاركة الأصلية كتبت بواسطة نجلاء محمد يـا صاحبـي جـت حـزة فـراقـك و جــا وقــت السـفـر و اللـحـظـه الـلــي خـفــت مـنـهـا وصـلــت لتوقيـتـهـا لـكــن قـبــل لا تـــروح ودي الـتـمـس مـنــك الــعــذر عـــن كــــل زلــــه مــنــي بـحـقــك و انــــا زلـيـتـهـا يمـكـن بـعـد ميـقـاف هـالـسـدره مـــا يجمـعـنـا الـقــدر ولا يــبــقــى الا اشـــرطـــة مــاضــيــك لا فـلـيـتـهــا و اقفـيـت و آنــا اقــول يــا قـلـب الـوفـا كــل الـشـكـر لانــــك تــداركــت الــعـــروق الـمـيـتــه و احـيـيـتـهـا لله درك من شاعر كلمات لها لسعه مدويه بالقلب لن اكتفي بقرائتها مره او ثنتين نقلتني معك الى عالم آخر بعزف والحان ولون القمر تذكرت المكان والزمان وما قد كان مشعل الضوى صح السانك واعتلى شانك سلمت يمينك على هذه الرااااائعه نجــــــــلاء

المشاركة الأصلية كتبت بواسطة العيوف جيـتـك و انــا ملـيـان راســي بالـطـنـا مـنــذ الـصـغـر يـــوم انـــي اجــهــل قـيـمــة الـغـلـطـه إذا أخطـيـتـهـا ومية نعم كفو يالذيب صح الله لسانك وعلا شانك مشعل ابداع لاحدود له سلمت عيووف

المشاركة الأصلية كتبت بواسطة عدنان مرضي مشعل بحق قصيدة في غاية الروعه ومنتهى الابداع صح لسانك بكل حرف منها ودام ابداعك

المشاركة الأصلية كتبت بواسطة مشاعر حالمه مشعل الضوي راااااااااااائعه والله صح السانك يالقرم ولاهنت تحيتي لك / مشاعر حالمه

المشاركة الأصلية كتبت بواسطة ماجد الجعفري الأخ العزيز والشاعر المبدع والمتألق دائماً مشعل الضوي صح لسانك .....ولاهنت أحساس جميل وراقي جداً لله درك على هذا الأحساس الصادق... والقصيده العذبه والجزلة التي أتحفتنا بها ...ا التي تحمل في طياتها المشاعر الجياشه والأحاسيس العذبه والصادقه بيض الله وجهك ولا فض فوك... . . . . صدقني أخي مشعل عندما أجد للأبداااع حضور فحتماً سيكون أبداااع مشعل الضوي ذو طابع خاص ومتميز سجل أعجابي وتقدير لشخصك الكريم وبأبداعك المتواصل دمت بكل خير ودام هذا التميز والأبدااع

المشاركة الأصلية كتبت بواسطة سعود العواجي مشعل الضوي اسم ينير شبكة ويلان بكل رائعه يضعها هنا الكلام يطول وانت فوق المدح يامشعل وقصائدك من روائع الشعر صح لسانك اخوك / سعود

المشاركة الأصلية كتبت بواسطة سالم صالح الشاعر النجم/مشـــــــــــــعل الضوي دائما ماتجعل العقول والقلوب تهيم فيما تقول من شعر فانت مبدع حد الثمالة ابداع في الاسلوب وفي اختيار المعنى الرائع والفكرة الجميلة لذلك سوف تكتمل جميع اركان ماسوف تكتب لله درك والله يعطيك العافية --------------امتعتنا

المشاركة الأصلية كتبت بواسطة خلف فلاح العنزي مشعل غريب الابداع كله ماجيت ابااستغل طيبك بالدهاء وبالمكر = جيتك على نهج الرجال الي يشرف صيتها جيتك وانا ابضفي على منكبك جلباب الستر= هذي نواياي الشريفه عنك ماخبيتها صح لسانك ملايين صح لسانك ملايين عاداتك الابداع سجل اعجابي بقوه0000000000000000000000000

المشاركة الأصلية كتبت بواسطة فايز البذيلي اللـــــــــــه عليكـ يامشعل ترنيـــم ووإشداااء هذه القصيده صح لساااانكـ بحجم ابداعكـ قصيدة تجمع كل الجمال والجزالة والفكر الأصيل للـــه دركـ كم اطربتني بهذة جمال لامتناااااااهي وكن دائما قريب تحيتي الخاصة لكـ فايز

المشاركة الأصلية كتبت بواسطة مزيد المزيد لحوووووووووووووووووووووووول ياقلب العناااااااااااااااااااااااا انا اشهد انك جبتها على الجرح يامشعل غنيتها و أنـا بوجهـي حـزن و بصـدري قهـر // مـن حـزة يضيـق بالـي كـل مـا استنيتـهـا حزة وداعه لانتهى الموعـد و جـا وقـت السفـر // و ناظـر لساعـة يـده لامنـه وصـل توقيتـهـا صح لسااااااااااااااااااااااااااااااااااااانك مليوووووووووووووووووووووووووووووووووووووون يامبدع ولاهنت ننتظر جديدك على احر من الجمر دمت بخير

المشاركة الأصلية كتبت بواسطة عبدالله الحجيلان اخوي مشعل صح لسانك على هذا الأبداااع ولاهنت

المشاركة الأصلية كتبت بواسطة سعود العواجي عوده هنا ... لأعطاء هذه الباذخه مكانها .. تثبيت مع درجة الامتياز سعـــــــــود

المشاركة الأصلية كتبت بواسطة سعوط المجانين مشعل الضوي صح لسانك ولاهنت ياجزل ....