عساه يدوم عزك يابلدنا=وتبقى في حمى صقر الجزيره
تحت راية ابو متعب ملكنا=حبيب الشعب قايد للمسيره
بطلة وجهه المشرق سعدنا=وطيب القلب مع طيب السريره
وابوخالدبنى للخير مبنا=وعم الكل من جوده وخيره
مؤسس للدفاع اللي سندنا=بيوم الخوف ويرد المغيره
نسل عبد العزيز اللي حكمنا=بعدله قبل مفعول الذخيره
دخل سور الرياض وقال عدنا=وعاد الامن يدخل كل ديره
وكان الجهل مكتوف بيدنا=تناحر في صراعات مريره
يبات المسلم بنومه مايهنا=وطلوع الشمس مجهول مصيره
بليل الجهل والاظلال تهنا=وضاع الحق باليمنى الكسيره
وبعد ماضاقت الارض وتعبنا=وحر القيض يصلانا سعيره
نهض صقر الجزيره واسترحنا=مثل حر نهض وابعد مطيره
على الفتنه تسلط وانتشلنا=بسيف العدل والمصحف شويره
واسس بالعقيده مملكتنا=على التقوى ودين الله نصيره
وسدنا في بقاع الارض سدنا=وبيت الله عنينا بتعميره
بذلنا في حماه اقصى جهدنا=وفي طيبه لنا وقفه كبيره
ضيوف الله لخدمتهم وجدنا=من اقطار البقاع المستديره
والاقصى هم قادتنا وحنا=جنودلهم وحكمتهم تديره
حماك الله يادار ربتنا=من الحساد والنفس الحقيره
على الارهاب صوله لين يفنى=وسيف الله ينسل من جفيره
ولايهنا لهم بالنوم جفنا=مدام افكارهم هزله فقيره
ليا نادى المنادي ثم قمنا=نجي بالاوله لاا لاخيره
وعساربي يعزك يابلدنا=وتبقى في حمى صقر الجزيره

المشاركة الأصلية كتبت بواسطة مصلح النشمي . الشاعر المتألق نايف الثبيتي لله درك على هذه الوطنية الاكثر من رائعة صح لسانك ملياااااااار ونسأل المولى عز وجل ان يديم عز هذا الوطن المعطاء وان يديم علينا الرخاء والامن والامان لاجديد يابوعبدالله ..دائما مبدع ومتألق في جميع اغراض الشعر النبطي لك حبي وتقديري تحياتي لك

المشاركة الأصلية كتبت بواسطة طيــف شاعرنا القدير / نايف الثبيتي صح لساااااانك .. وجاد بنانك قصيـــدة رائعه اسأل الله أن يديم عليكم نعمة الأمن والأمان و أن تبقى المملكه (فوق هام السحب) دوما و أبدا في ظل أبو متعب حفظه الله و سدد خطاه كل عام و وانتم بخيـــر دمت بخيــر /

المشاركة الأصلية كتبت بواسطة سعوط المجانين نايف الثبيتي صح لسانك ولاهنت على هذه القصيده الوطنيه التي وقفت عندها مجبرا ً ودام عزك ياوطن ...

المشاركة الأصلية كتبت بواسطة تركي صالح الاخ القدير / نايف الثبيتي صح لسانك وسلم بنانك على هذه القصيده الوطنيه الرائعه وندعوا الله العلي القدير أن يديم علينا نعمة الاسلام والمسلمين ويديم علينا عز وطننا الغالي وتقبل فائق التقدير والاحترام

المشاركة الأصلية كتبت بواسطة ماجد الجعفري الأخ العزيز والشاعر الرائع نايف الثبيتي صح لسانك ...ولاهنت على هالقصيده الشامخه في وطننا الغالي ... ولله درك ولافض فوك على هذا الأبدااع ونسأل الله أن يحمي وطنا ويحمي قادته وأن يديم علينا الأمن والأمان دمت بكل خير تقبل تحياااااااااااااااتي