دام الشعر معنى وكلمه ومضمون = تعال واسمع شامخ اليوم وش قال
العلم يامزيد اذا الناس يوحون = هي معركه وانخى لها كل خيال
بحسابها مافيه طاعن ومطعون = محسوبة ٍ ياخوك بجنيه وريال
وان كان ربعي بالشدايد يصدون = مالي بهم حاجه الى زانت الحال
عبدالمجيد ابداخل السجن مسجون = ثلاثة اسنين ٍ ولاهو برحال
ورع ٍ على عشرة ملايين مرهون = اما تجي والا ترى السيف قتال
ماطاوع ابليسه على فعلة الهون = ولو هو فعلها حقه ابلبسة الشال
راع الردى وابليس ملعون ملعون = ماله ترى فيّة العز مقيال
وابوه حاله غادي ٍ دون في دون = تصفق به الايام من جال لي جال
يا لابتي تكفون تكفون تكفون = ياعيال وايل منتخي رجال واطفال
وانخى الحريم وكل شايب على العون = ويلقى جزاها عند علام الاحوال
وانخى هل المعروف واللي يفزون = للخير واللي باغي ٍ طيب الافعال
يم النظيم خيامهم لو تمرون = وكلن يشوف بعينه الوضع والحال
ترى (الولد) (والمال) (والحال) يفنون = ويبقى لك الصالح من اقوال واعمال
وش ينفع اللي للدراهم يعدون = تصدقوا باموالكم ياهل المال
تلقونها عند الولي خالق الكون = ولاتستهينون العطايا لو ريال
لي (امنيه) والناس دوم يتمنون = (( لو نجتمع مره على قلب رجال))

لي (امنيـه) والنـاس دوم يتمنـون =(( لو نجتمع مره على قلب رجـال))

المشاركة الأصلية كتبت بواسطة محمد الرسلاني لي (امنيـه) والنـاس دوم يتمنـون =(( لو نجتمع مره على قلب رجـال)) الاخ / شــــــــــــــــــــامخ صح الله السانك والله يفك اسر عبدالمجيد وتاكد عيال وايل خيرهم وصل للبعيد كيف القريب تاكد ان الويلان مارح تتركه وصح السانك مره ثانيه

المشاركة الأصلية كتبت بواسطة سعوط المجانين صح لسانك ولاهنت وبيض الله وجهك وان قالها الله الا نفك اسره بإذن واحد احد

المشاركة الأصلية كتبت بواسطة وليد الحويكم اخوي شامخ شاكرين على طرحك للموضوع وعيال وايل وكل انسان فيه خير نشالله مهو مقصر ياناااااس نبي تكثيف اعلامي اكبر تكفون يالويلاااااااااااااان مع جزيل الشكر للاخ شامخ وكل انسان فيه حميه ونخوه

المشاركة الأصلية كتبت بواسطة عبدالله عايد شامخ صح لسانك وعلا شانك رائع ما كتبت والاروع تفاعلك وندائك تسلم وبيض الله وجهك وصح لسانك مرة ثانيه والله يفك اسر عبدالمجيد وهو السميلع العليم وتقبل فائق تحياتي لك .

المشاركة الأصلية كتبت بواسطة بدر الحنيف شــــامــخ ،،، بكل شموخ .. يأتي تفاعلك .. للقضيه التي تعني لنا جميعا .. فالوفاء .. طريق لا يسير عليه الا اقدام الافياء .. فقط .. فحن .. بحاجة الى .. صوت شاهق .. يسندة الفعل المشرف .. شكرا لك حتى ترضى .. لو كان .. من الواجب .. عليك .. هذا الفعل .. وليست بحاجة الشكر .. تقديري لك .. ولشموخك ..،،

المشاركة الأصلية كتبت بواسطة تركي صالح الاخ الرائع / شامخ لله درك وبيض الله وجهك على هذا التفاعل والذي هو واجبً علينا جميعن وعسى الله العلي القدير أن يفك اسره ويرجعه الى بيته سالمً غانمًَ وأن تقر عيني والديه به وبلقياه أن الله على كل شيءً قدير وعسى أن تكون كلمات الخير والمرؤه اللتي قلتها في موازين حسناتك وجزاك الله الف خيراً وعافيه وصح لسانك يالغالي لي (امنيـه) والنـاس دوم يتمنـون ......................(( لو نجتمع مره على قلب رجـال)) دمت بكل خيراً وعافيه وتقبل فائق التقدير والاحترام

المشاركة الأصلية كتبت بواسطة عبدالله الثابت الاخ شامخ بيض الله وجهك وصح لسانك واتمنى من جميع الويلان ان يغتنموا هالفرصه بما تجود به انفسهم فوالله انها اجر من الله سبحانه وفزعه وائليه وتحياتي للجميع

المشاركة الأصلية كتبت بواسطة عبدالله الثابت الاخ شامخ بيض الله وجهك وصح لسانك واتمنى من جميع الويلان ان يغتنموا هالفرصه بما تجود به انفسهم فوالله انها اجر من الله سبحانه وفزعه وائليه وتحياتي للجميع

المشاركة الأصلية كتبت بواسطة سندريلا شامخ تخونني حروف الكلمات فما للابجدية طيف بعد هكذا شعور صح لسانك على تلك الشامخه وان شاء الله ماراح نقصّر مع عبدالمجيد وربي يفك اسره وتقر عين امه برجعته طابت امانيك

المشاركة الأصلية كتبت بواسطة مزيد المزيد شامخ شاعر جميل ويحمل خلف اسمه رجل عريق وشامخ ... يشرفني والله ان يكون اسمي ضمن قصيدتك وهذا تقدير منك ولاهنت على ذلك وموضوع عبدالمجيد يخصنا جميع فنحن اولى بان نكون قريبين منه وقت الحاجه ... وان كان ربعي بالشدايـد يصـدون .....................مالي بهم حاجه الى زانـت الحـال تاكد ياشامخ ان هناك رجال لاينامون الليل ويتابعون موضوعه عن قرب ويعملون لخروجه عن قريب ان شاء الله وانا متاكد من ذلك لما رايته ليلة البارح بشكل شخصي وعن قرب . لي (امنيـه) والنـاس دوم يتمنـون ......................(( لو نجتمع مره على قلب رجـال)) لا .. لن نجتمع مره واحده فقط بل سنبقى كما كنا يدا واحده ان شاء الله وسيكون هذا الموقف وغيره خير دليل ان شاء الله ... صح لسانك مليون ولاهنت دمت بخير

المشاركة الأصلية كتبت بواسطة مشعل غريب الضوي قصيدة جسدت ما يحتاج اليه اخونا عبدالمجيد.................... نداء للجميع من خلال هذه القصيدة الرائعة................. ترجمة جميلة لما في داخلنا من شعور.................. أسأل الله العلي القدير أن يعتق رقبة عبدالمجيد................... اللهم آمين...............

المشاركة الأصلية كتبت بواسطة علي ظاهر الحبلاني جمال لا حدود له لشاعر يلبي واجبه تجاه قومه صح تحياتي

المشاركة الأصلية كتبت بواسطة ابوعبدالله الغريب جعلها الله شاهده لك لاعليك اخي انت على ثغر فلقت اوصلت وناديت للتفاعل اتركواااااااا الخلاف فلسنا دول فلنجتمع فهي ليست حرب انما استقطاع وكلن على حسب مايقدر ويستطيع دام الحساب موضوع على توقيع اخي وشقيقي من غير ابي بدر الحنيف فلااحد يدري كم انفقت ريال ام خمسمية ريال ولكن الله يعلم ويقول المصطفى الطاهر لعن الله من طعن بعرضه وسب اصحابه(مانقص مال من صدقه) ويقول صلى الله عليه وسلم (اتقو النار ولو بشق تمره )اي لو بشي قليل يحاج عنك يوم القيامه ويكون شاهد فهذه احاديث فيالصدقه غير الاحاديث في الاعتاق

المشاركة الأصلية كتبت بواسطة عبدالله ثويني المانع .. ** شامـخ ** مشاعر سامية وحميـّـة طاهرة تـجمـع أبناء هذه القبيلة لعـمل الخير ... سلم فكرك يا شاعر وأزال الله كربة عبدالمجيد وأسرته ..

المشاركة الأصلية كتبت بواسطة سلطان المسلط شامخ والله ماقصرت يابعد راسي اسم على مسمى صح لسانك ولا هنت وانشــاء الله انه غير ينام عند اهله مودتي سلطان المسلط