العيد فرحــه
اليوووم حاب اتكلم عن .. العيد
نجهز له قبـل لا يجي بــ كم يـوووم ؟؟ نفصل ثيـاب ونشتري كبكات <<<<<< قديم .. وجزم (تكرمون) ونحلق ونضبط أعمارنا نصرف بالميات على شاااان العيد وننجلس نعايد بعد العيد 15 يـووم العيــد .. سموه عيـد لأنه ينعاااد كل سنـه يعني بالعيد فرحه للناس أهل الطاااعات والعبادااات العيد وش هو العيد ؟؟؟؟؟ صلة رحم مفطح الساعه 9 ونص >>> وينك يالدلماني انت وسلطان وتركي صالح وصالح العرجان >>>>>( دببه) طراطيع وشروخ .. رسايل جواااال .. تطلع كشخـتك اللي عندك ؟؟؟؟ أعيـاد المدن .. تقوم تصلي الفجر تجلس مع اهلك تعايدهم تروووحون تصلوون العيـد .. تطلع للجماعه تعايدهم تتغدون ترجع تنام تقوم بالليـل 90 مسج من العايدين من الفايزين .. :sm257: تشغل التلفزيون من العايدين وامن الفايزين ان شاء الله أعيــاد القرى .. تقوووم تصلي الفجر .. ترجع ولا ريحه حليب بالزنجبيـل فااايحه تشربه تجلس مع اهلك وتروح تتكشخ تروح ولا النـار شابه عند الباب ريحه الحطب بزران تارسين الشارع كلن وكيسته بها حلاو والطراطيع بجيبـه .. يجيك صغير يبي منك ولاااااعه ناس داخله وناااس طالعه واشكااال جديده وذبايح ووين ماتمشي ناس تعاايدك وتسلم عليك .. أجنبي سعودي هندي فقير غني كلهم مستااانسين حريم وبنات صغار وسحالي ويلااام دداااسن تاكل مطبات وحفر .. وعلى المصلخ .. بعدها تروح وتوووزع لحم .. هذا لأم فلانه وهذا لأم علانه وهذا لشموخ وهذا لسندريلا واهذا للواثقه واهذا للبيداء وهذا نجلا بنت محمد الخ >>>>عسالله ليخسر احد :sm266: فرحــه والله فرحــه .. لكن الأول تحول .. العيـد صار ( ماينطاق ) .. نـاس تعايدك من طرف خشمها تبي تروح تنام .. وانت تبي تحسس حالك انك بـ عيـد .. وبالاخير ينعاد كل سنـه على هالمـوال معايده وغدى ونوم وبالليل تذبحك الزحمة ولا سويت شي ! اللي أبي أوصله : أعياااادنا ماصااارت فرحـه .. وعشـان مااكسر القاعده أقووول لكم كل عام وانتم بخير ... وكل واحد يقووول كيف بيكون العيد معه ووين بعيّد << انا بعّيد في البر |
رد: العيد فرحــه
<< انا بعّيد في البر
ياااااحظك ياونااااستك عيد بالبر يافهد ................................اذكري الله لاتطقين الولد عين :) بصراحة فعلا راحة فرحة العيد اللي كانت انا اذكرها يوم كنا صغيرين كان فيه فعلا عيد ينعاد كنا نلبس ونكشخ بالفساتين الملونه :) وكل وحده معها شنطتها فيها حلاو وقروش وناااااسه فعلا :) اما الحين حتى الصغار صارت فرحتهم ناقصه ماهي مثل فرحتنا قبل وطبعا على ايام شيبانا كانت الفرحة اكبر واعظم لكن هنا السؤال لييييييييييييييييييه وماهو السبب ؟؟؟ ياليت نعرف العلة وين لكن اعتقد انها في زحمة هالدنيا وفي القلوب المتساهله اللي غيرتها دنياها (وأصدأتها) الفاضل والقدير/ فهد الخدلي بالنسبة لعيدي اقصد عيدنا انا واهلي راح يكون بالبيت كالعاده وعيديتنا اول عيديه (اقصد الضحية) فهد لاخلى ولاعدم من هالمواضيع وخفة ظل كاتبها تسسسسسسسسسسلم ياالنشمي |
رد: العيد فرحــه
سلاااام عليكم
الفطور عندي فهد ... قل تم كل سنة وانتم طيبين الجميع وأعاده الله علينا وعليكم بالخير والمسرات اللهم آميييييييييييييييييييييييييين وبالنسبة لعيدي هالسنة بكون في البحر في منطقة اسمها ( شرماء ) قريبة لنا يقولون دافية ! <<<<<< هاج من البرد ههههههههههه وكل عام وانتم بخير مشكور فهد لإتاحة الفرصة ظامي |
رد: العيد فرحــه
الله يالغالي
عيد زمان لما كنا نتجهز له من الليل ونجمع بهالأغراض هذا شماغ وهذي طاقية وهذا ثوب وهذي أعزكم الله النعال والجزمات و.......و........!الخ والحين تلقانا سهرانين والى قربت تطلع الشمس عينك ماتشوف الا السرير وهاتك يانوووووووووووووم الين الظهر ايام زمان مابتتنسيش قابلوني ان قريتوها من اول نظرة http://www.alqosman.net/vb/uploaded/1559_1166764122.jpg أخوكم ومحبكم ايو ريناااااد |
رد: العيد فرحــه
يسعد اوقاتكم
بصراحة موضوع رااااااااااااااااايق جدا ً فعلا كل واحد ينقل كيف يكون عيده يا جماعة انا ولله الحمد احس اني احسنكم عيد اللهم اني لا اسئلك رد القضاء ولكن اسئلك اللطف فيه :( انا ياجماعة اروح اصلي العيد وارجع اعيد على اهلي واسوي هجوم بري على الفراش لان الساعة ثلاثه العصر وانا راز خشتي بشئون المرضى الى الساعة احدعشر ونص مساءا ً :sm34: يعني ما راح اعيد الا بيتنا والمدير المناوب والسكيورتي :o وكل عام وانتم بالف خير وينعاد عليكم بالصحة والسلامة انشالله :more15: |
رد: العيد فرحــه
اقتباس:
اختي الواثقه اي والله اذكري الله قولي مشالله هع هع هع الفاضله الواثقه مشكوره علي حضورس الطيب وعلي تعليقس الجميل والمرح وكل عام وانتي بالف خير ودمتي بخير |
رد: العيد فرحــه
اقتباس:
تم تم تم تم >>>>>>>>>>>>والله مالي قلب اللي يقولي قال تم الساعه كم الفطور وانت بالف خير ياظامي ان شالله وبالنسبة لعيدي هالسنة بكون في البحر في منطقة اسمها ( شرماء ) قريبة لنا يقولون دافية ! شرماء دافية طق الشورت وانا المسؤال >>>>>>>>>> ناوي يضيعك لاهنت علي حضورك الطيب ودمت بخير |
رد: العيد فرحــه
اقتباس:
اخوي ابو ريناد يعني العذروب بسهر الليل >>>>>>>>> مغرم يا ليل بسهر الليل مغرم وقلبي مايل ميل شكلة مايل ميل جايبه العيد بك >>>>>>> واعزا لك يابناخي ابو ريناد اشكرك علي حضورك الطيب وكل عام وانت بخير |
رد: العيد فرحــه
اقتباس:
عزالله ازين عيد عندك (اللهم اني لا اسئلك رد القضاء ولكن اسئلك اللطف فيه ) بدعه ؟؟ الله يعينك يا عبدالله من طلب العيشه >>>>>>> سهر الليالي احم شي شيبانك وانت بالف خير ان شالله اخوي عيدالله مشكور علي حضورك الطيب |
رد: العيد فرحــه
مساااااائكم احلى من الورد الجوري
عيد زمان وراح عيد زمان ايام الفرحه الحقيقيه تغير العيد مع تغير الناس وتغير اهتماماتهم واجواء العيد القديمه لايمكن ترجع بالنسبه لي يوم العيد اصحى متاخر واقضي وقت العصريه اكشخ وباليل يبدا العيد عندي مع الاهل والسهره ويوم ثاني العيد رايحه البحرين كل عام وانتم بخير والله يعوده عليكم بالصحه والسلاااامه شكرا اخوي فهد على هالصفحه الجميله |
رد: العيد فرحــه
هلا فهد كل عام وانت والجميع بخير وصحه وسلامه
اما سالفة سلطان الوايلي دب ههههههههه مو داخله وبعدين من قال ان صالح العرجان دب:( <<<<توه يدري اما انا هالحين بالبر ونبي نرجع الصبح نصلي العيد<<<<<<<<<<<<<مو مصليها من 5 سنوات:) وبعدها بني نذبح الضحاياا ونرقد بسرعه <<<<<<<<<<<<<يبي ينحاش من العيديات:) وجعله الله عيدا مباركا مليء بالسعاده للجميع |
رد: العيد فرحــه
فهد
أكييد العيد أول له طعم ولووون وفرحه وكلششش :D أجل الحين كل واحد يعيد على الثاني ونفسه براس خشمه تقل مغصووب يعيد علينا :D أيييييييييييييه ليت زمان يرجع واقول يازمان ....مدري وشووو تكملتهاااا :D المهم ... كل عام والجميــــــــــع بخير وصحه وسلامه والله يعيده علينا باليمن والبركااات ويرجع حجاجنا بالسلامه لأهاليهم , يعطيكـ العافيه فهد دايم سباق للخير الله يجزاك خير دمتمـــ بخير <<<< ماتلاحظون علقت على الخير :D |
رد: العيد فرحــه
كل عام والجميــــــــــع بخير وصحه وسلامه
والله يعيده علينا باليمن والبركااات ويرجع حجاجنا بالسلامه لأهاليهم ويسر حجهم ويسهل عليهم ويتقبل منهم يعطيكـ العافيه فهد دايم سباق للخير الله يجزاك خير |
| الساعة الآن (12:27 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه