جتـك القصيـده يارفيـق المئاسـي=
=لاذعذعت نسناسهـا هـب نسنـاس
لاجالها وقـت المضيـف احتباسـي=
=تحبس محابسهـا محابيـس حبـاس
شـي اعتيـادي يارفيقـي اساسـي=
=لاغابـت الزهـره توليـت طلمـاس
ترسـي مراسيهـا ثقيـل المراسـي=
=فرسانهـا مليـون والفيـن حـراس
ماشيبـن دقنـي ولاشـاب راسـي=
=لو شفت زغر اعيونهن تقل مجباس
متوشحـات ادروعهـن باااللباسـي=
=متكمكمات اعبيهن وقـت الادمـاس
سود العيـون ادقيقـات الحساسـي=
=متنوعات اشكالهن نـوع واجنـاس
قلته ولاني يابـن نايـف اسياسـي=
=انا ابدوي بين النـوازي والاطعـاس
ماهمنـي حلـو الكنـب والكراسـي=
=لهل الحضاره والحظاره لهـا نـاس
انا ابدوي ياحمـود مرفـوع راسـي=
=سلم البداوه ساسهـا يرفـع الـراس
مستانسـن مابيـن ربعـي وناسـي=
=مابين نجر وبيـن دلـه ومحمـاس
وقت الربيـع وعشبهـا باالمحاسـي=
=فيها الزبيدي بين تربـه وبسبـاس
ريحـة نفلهـا فـاح مالـه مقاسـي=
=متخالطـن نوارهـا مثـل الاقـواس
اخير من جلسـة رفيقـن اهلاسـي=
=تاجر سوالـف باالمجاليـس هـلاس
هـذا زمـان الطلمسـه والتناسـي=
=ناسـن كرامتهـا باالاقـدام تنـداس
انشدك عن بيتن مع الوقـت قاسـي=
=طاحت اركونـه والشغاميـم جـلاس
طـاح العمـود الريئسـي بنتكاسـي=
=تنكست اعلامهـم عقـب مـرواس
خذ الجواب الجوهـري والاساسـي=
=تظمن حلول اللغز في خمس الاحساس

السلام عليكم

انا ابدوي ياحمـود مرفـوع راسـي
سلم البداوه ساسهـا يرفـع الـراس
مستانسـن مابيـن ربعـي وناسـي
مابين نجر وبيـن دلـه ومحمـاس


كفوووووووووووووو يالجزل
صح لسانك ملايين

لغزك
انشدك عن بيتن مع الوقـت قاسـي
طاحت اركونـه والشغاميـم جـلاس
طـاح العمـود الريئسـي بنتكاسـي
تنكست اعلامهـم عقـب مـرواس

واذا ما خاب ضني هو (سوق الاسهم)

في انتظار الشاعر/ حمود بن نايف الهذيل

انشدك عن بيتن مع الوقـت قاسـي طاحت اركونـه والشغاميـم جـلاس طـاح العمـود الريئسـي بنتكاسـي تنكست اعلامهـم عقـب مـرواس واذا ما خاب ضني هو (سوق الاسهم)