الأسبوع الأول من فعالية وش فطوركم اليوم ؟
صدز لا قالوا .. يا سرع الدنيا :D كنت بنزله أول رمضان واليووووم 13 رمضان <<< انواع الكسل تعالوا بعطيكم فكره عن هالفعالية <<<< أشوف كثرت فعالياتس :cool: الفكره .. اننا راح ننزل و نثبت اسبوعيا موضوع .. طريقة المشاركه فيه هو تصوير سماط الفطور .. و لا مانع طبعا من بعض الذب على بعض السماطات :D .. اذا انتهى الاسبوع .. نب نقفل الموضوع .. همن ننزل موضوع ثاني .. و نسوي بالضبط مثل ما سوينا بموضوعنا الاول .. راح نختتم فعاليتنا .. مع نهاية شهر رمضان .. مع اعتماد تصويت شامل بعدها على كل السماطات .. طبعا من بين كل الأعضاء .. نب نقتصر الاختيارات بالتصويت النهائي على ثلاثة أعضاء بس .. | شروط المشاركة | - المشاركة مفتوحة للكل بدون استثناء نساء ورجال :D .. و المشاركة أكثر من مرة من نفس العضو مسموحة و يالله حيـّها ويالله حيّه : ) .. بس ضروري تتأكدون من حجم الصور إنها ما تصير كبر قريح .. و تطلع علينا مع جوانب الشاشه:D .. اللي ما يعرف يغير حجمها أو يحملها على النت .. يرسلي و يطلب مني المساعده .. و تراي مستعده بإيدي و رجولي للفزعة :D .. لكن اللي يدرعم تراي متولمه بطير أي صورة تويتز علينا و تمغط الصفحة و تراي علمتكم و مالي دخل <<بدينا بالحركات :cool: . راح يستمر موضوعنا هذا مثبت و مفتوح لمدة اسبوع أعتماداً من تاريخه .. مثل ما وضحنا لكم فوق : ) . المجال مفتوح الحين .. للمشاركة و الادهار :D ومن بكره بصور لكم سفرة فطوري وأحطهاااا هنا :o الله الله بالمشاركااااات تراي مااحب الكسل والمجال مفتوووح للشباب يشاركونا << للتذكير :D . س ل م ل م |
رد: الأسبوع الأول من فعالية وش فطوركم اليوم ؟
أنتظروا سفرتي النهارده :D
<<<<<< الله يستر لاتفشلين بالترتيب :cool: . . |
رد: الأسبوع الأول من فعالية وش فطوركم اليوم ؟
بااااك
رجعت لكم بسماطنا << تقول بخاطرها الله يستر :cool: يالله مو مشكله هي خاربه خاربه :D تراني حساسه وذات مشاعر رقيقه يعني شوي شوي علي بالتعليقات ولا ترا أبتسي وانا لين بكيت أمسك خط << لا يكثر تيب :) الموهيم مالكم بالطويله وتفضلوا الصور : 7 7 http://www.tl3b.com/uploads/10-06-06~shh11.jpg http://www.tl3b.com/uploads/10-06-06~smoka112.jpg http://www.tl3b.com/uploads/10-06-06~smsm555.jpg . . الأطباق الموجوده على السفره للي مايعرفهاااا :D " اجنحة دجاج / عجه / سلطة مكرونه << انا مصلحتها ترا ( درينا ياحظتس بشري أمتس :D ) / بف باستري بالجبن ( حلى) / معجنات بيتزا وكبه وسمبوسه / لازانيا / هريس / شوربة دجاج بالذره / حلا آيسكريم بكاسات / فيمتو / قهوه / كاسات صحون وملاعق واكواب ( للكوفي ) " وترى للأمانه كان فيه لقيمات وقسم بس نسيتها :( ما أمداني احطها لان قده اذن وخربت السفره وماعاد يمدي اصور ..!! . . علمووني رأيكم بــ شمـــــــوخ السنعه هع هع <<<<< ازعجتنا :more3: . أنتظر سفرتكم لاتتنحشووووووووووووون . |
رد: الأسبوع الأول من فعالية وش فطوركم اليوم ؟
شموخوووووووه...................................... .......هذي مياانه وألا وش السالفه ؟؟!!
انتي الظاهر تبين تفضحين فينا ماهو بتشوفين سمايطنا مدري وش تقولولها يااهل الرياض حبايب قلبي هذا اللي انتي جايبه صورة قصر شفته واظنه ل آل سعود.............................بعد ذكر الله والله لو تشوفين سماطنا على ماتقولين كان علوووم...................................ادري الفقر ماهو عيب بس خليها مستوره شموخ السماط اعجبني ولاكل اعجبني اكثر بس سماااطي انسي...........................................هذا قرار خخخخخخخخخخخخخخخخخخخخخخ تراني قلت كل اللي في قليبي وخاطري بصراااحه وماشاء الله تبارك الله الف مرة. |
رد: الأسبوع الأول من فعالية وش فطوركم اليوم ؟
هلا بالواثقه
الله يسامحتس وش أبي أفضح بكم ؟؟؟؟ :eek: ياناس حطوا اللي عندكم مافيها شيء .!! وأي قصر وأي خرابيط ؟؟ الدعوه كلها شوية ذووق وترتيب بالبيت والا ترا بيتي صغير مو كبير :D . الحمدالله والشكر من جد سديتوا نفسي :( مافي تفاعل أبد :( . |
رد: الأسبوع الأول من فعالية وش فطوركم اليوم ؟
لا لا لا لا
شموخ لاتزعلين وبعدين تراااني فاضيه وقلت اغث احد......................................سااامحيني ومشكوره على جهودك وفعلا وييييييييييييينكم ياملا العافيه ليه ماتردون او تشاركون؟؟ متحمسه هههههههههههههههههههههههه |
رد: الأسبوع الأول من فعالية وش فطوركم اليوم ؟
مرحبا شخمخ شعلومتس ياقلبي والله اشتقنا لتس
تسلم ايدينتس وربي ربة بيت سنعه الا صحيح كله انتي مصلحته والا ....... بس انتي وزوجتس ومادتله كل هالسفره اقول ترى يمدحون الشوربه والسمبوسه على الفطور شي واذا مشتهي شي ثاني يخش المطبخ الله لا يهينه والا شرايتس مشكوووووووووره بس انا كل يوم عندي فطور رجال شرايتس اصورهم لتس مع الفطور |
رد: الأسبوع الأول من فعالية وش فطوركم اليوم ؟
هلا بالواثقه
تسلمين الله يجبر بخاطرتس :D وتراي ماأنغث بسهوله بس تحوم تسبدي على طوووول :D ولاتتهربين وهاتي فطووووووورتس :) . |
رد: الأسبوع الأول من فعالية وش فطوركم اليوم ؟
ياحليلتس ياابله شموخ
بس بصراحه فطورتس حلو وسفرتس احلى ماشاء الله عليييييييييييييييييييك |
رد: الأسبوع الأول من فعالية وش فطوركم اليوم ؟
هلا نوووته : )
حياتس الله وربي تو مانور موضوووعي أنا طيبه طاب حالتس وش علوومتس أنتي ..؟ نووته أنا مسويه السلطه والبف باستري والمعجنات انا وخدامتي صح انها يالله تفهم :( بس انا عندها وأعلمهااا والهريس بصراحه أمي مرسلته لي :D << ماتعرف تكذب :p والآيس كرريم مسويته أنا من بالليل واللازانيا مصلحتها انا سهله مايبيلها شيء .! واللقيماااااااات أنقهررت نسيتها ماحطيتها والا وربي مزينتهااا :( وهذي سفرتي أنا وزوجي بس ماعندنا أحد بس علشانه يوم خميس وأنا بالبيت مسويه أصناف كثيره والاتعالي شوفي السفره بأيام الأسبوووووع :D <<< تمر وقشطه ولقيمااات وشوربه هع :D وتراي مزوده كاسات وأكواب للكوفي علشان التصوير بس وترتيب السفره لأنها بالأساس كبيره علينا ;) . نووووووووووووووت :) حضورتس أسعدني حضري فطور الرجال يامال العافيه وصوريه قبل يدخلون للمجلس ولاتصورينهم وش أبي بهم :D لاينقد علي زوجي :D . انتظررتس |
رد: الأسبوع الأول من فعالية وش فطوركم اليوم ؟
هلا واثقووووووووووووووووه << منقهره منها :D
تسلمين ياقلبي بس تعالي ياحلوه وشووله كل شوي ناقزه ماجبتي فطورتس :mad: لاتقولين لي كلكم مفطررين :D ترا أذبحتس :D .. |
رد: الأسبوع الأول من فعالية وش فطوركم اليوم ؟
انا بوصيهم يصورون لتس فطورنا والله صار لي اسبوع افطر الساعه 9 ارجع من الدوام هلكانه وارقد وماقوم الا عقب الناس حتى رفيقاتي يقولون لي انتي وش مذهبتس شكوا فيني يحسبوني شيعيه
بس وعد ياشموخه اخليهم يصورونها |
رد: الأسبوع الأول من فعالية وش فطوركم اليوم ؟
هلا سندريلاااا :)
نورتيني دوباااااااااا تفطرين الساعه 9 ؟؟؟؟؟؟؟؟؟ :eek: :eek: حرام عليتس مايجووز أنتي صايم لازم تفطرين مع أذان المغرب لاتخالفين السنه .!! :eek: مايجوز تأخرين الفطوور .. أنتبهي سوسو تصدقين أنا أجي من الدواام 2 ونص ومايمديني أصلآ أنام سيدا للمطبخ أشووف خدامتي الرفلاااا مسويه اللي قلت لها.. ألقاها محضره بس كل شيء وأنا الباقي علي أسوي وهي تشوفني لأنها جديده .. ولاأناام غير بعد الفطووور على العشاء كذا أخذ غفوه ساعتين وعليها للصبح أما انام لين 9 :eek: ياكبرها عند ربي :D كان تلقينه حاذفني مع الدريشه انا وسريري وفوق البيعه عفشي بعد :D . أنتظرررررررررتس سوسو بالفطوور :) |
رد: الأسبوع الأول من فعالية وش فطوركم اليوم ؟
/
هو انا اقدر اجيب فطوري هنيه والا بس لكن ياوخيتي فطوركم غير شكل مو زي فطورنا اخاف بس مفطرين بالمملكة اعرفكم يا أهل الرياض تضحكون علينـا لا تزعلين تراني امزح .. ادري سنعه هع على قولتكـ : بس ياحسرتي ياحنا شوربه ونتغابش عليهااا هذي على وزن نتهاوش شموخ تعرفين الخميعة ,, ترا هذا فطورنـا تبين اصورهـا ماعندي مانع والله عاااد على طاولتكم بتطلع غير شكل مروري هنــا يسعدني كوني بخير حادي |
رد: الأسبوع الأول من فعالية وش فطوركم اليوم ؟
ههههههههههههههههههههههه اما خميعه برمضان قوووووويه
حادي بادي من ينادي << طرى عليها مسلسل كرتوني حادي مرورك اسعدنا << بالنيابه عن شموخ لانها بسابع نومه صور لنا الخميعه والمليحيه ماعندنا مانع |
رد: الأسبوع الأول من فعالية وش فطوركم اليوم ؟
/
وجع سندريلا وشو وش كرتونه ليكون انتي من حقين الكراتين <-- قلب عليهـا : انتي خبلة اجيب الصورة بعد ماشفت هالطاولة الله لا يضرهـا <-- هذا انا سميت ياشموخ والله بيني وبينك ودي اجيب بس اخاف شموخ تطيب نفسهـا وتقول اثاريهم هذي مدري وش على وزن ماعندك احد وانا مدهره بالمطبخ خخخخ سندريلا بعد ماتجيبن صورة فطوركم يجي دوري <<-- يدري الحال من بعضه شوركن على تعقيبك كوني بخير سندريلا حادي السهر |
رد: الأسبوع الأول من فعالية وش فطوركم اليوم ؟
.
الله ياحلو طعم الكرسي واللوحه اللي على الجدار:D الله يعطيك العافيه اختي شموخ وبصراحه حنا ناس ناكل بعيوننا .. مانرتاح الا والسفره ملياانه... و عزالله ودي اصور سفرتنا (9 امتار ماشاء الله لا اله الا الله لان الفطور كل اخواني يجتمعون عليه ببيت الوالد طبعا اطال الله في عمره ولكن اذا كنت اجيهم على الاذان ويالله افتح عيوني واطيح بالتمر والقهوه يعني ما اقضي واطب مع اخواني -هوشه مو فطور:D - الا ينكتب كان هنا فطور خخخخخخخخ بعدها تجي سفرة الحلا والكيك وطقتهن ====اروح اصورهن تقولون هذولا ماعندهم شوربه:D عزالله ابحاول لي يوم اخربها واقعد من صلاة العصر علشان اصور:D بس الاخوات الرفلات ليه مايصورن:more74: |
رد: الأسبوع الأول من فعالية وش فطوركم اليوم ؟
هههههههههههههههههههههههههههههههههه وربي مثلي مصلح الناس تفطر وانا مذابح مع قرودي الا انتي كولي وانتي قومي بلعتي شكلي ماصمت هالسنه
بعدين تبون الصحيح وربي ماعرررررررررررررررررف انزل الصوره اذا تعلمت اقولكم <<<ياويلي من سندريلا الحين تقول عني متخلفه تكنولوجيا مدري شكلها توها سامعه الكلمه ذبحتنا فيها اوعدكم اذا واثقه نزلت فطورها بنزل فطوري وتحملو ماجاكم |
رد: الأسبوع الأول من فعالية وش فطوركم اليوم ؟
حي الله حادي السهر
منورنااااااااااااا بالفعاليه كلبوها :D ليش ماتقدر ياخووي؟؟ هااات فطورك وانا لاقيه احد معطيني وجه ومصور فطووره الكل مطنش :mad: وأنا قلت المشاركه للرجال والنساء الرفل هع هع وحتى لوتنوع الأكل وأختلف وش المشكله مثل ماوريتكم أكلي علموونا وش تاكلووون :eek: كلن له عادات وتقاليد وهذا الهدف من مشاركاتكم أنا أسمع فيه نااس تفطر على كبسه وهالشيء عاادي عندهم لكن عندنا مانحطها :D يعني نبي نعررف كلن وسفرته وتراي ماعرفت وشي الخميعه ؟؟ :confused: معليش ترجم تراي مانب عنزيه :D يوم قلتها أحسبها شاارع هنيا :D <<<<<<< لايكثر تكفين واذا قدرت حط لنا مقاديرهااا :) . وننتظر خميعتك بالفطووووووووووور <<< دايم تقول ننتظر ولحد يمها :( . وه بس ياقلبي علي انواع التطنيييييش :( |
رد: الأسبوع الأول من فعالية وش فطوركم اليوم ؟
هلا سندريلااا
انتي وش عندتس توطوطين هنيا ولاجبتي سفرتس :mad: :D وحادي بادي من ينادي راعي محل :D مايحتااج ترحيب مني لأني أنسانه مكافحه بسابع نوومه الساعه 6 :eek: ووراي دوااام لازم أنااام يعني أشطب على الردود الساعه 2 والوجه من الوجه أبيض :D بعدين وش مجلستس للساعه 6 :eek: ماعندتس شغل ؟ :cool: . جيبي الفطور :( . <<<<<<< ذكرت وحده تشحذ بالأشاره :( |
رد: الأسبوع الأول من فعالية وش فطوركم اليوم ؟
هلا بك حادي مرة ثانيه
بعدين تعال ليش ماتجيب فطورك؟ كم مرره أقولكم كلن له سلم وعادات على الفطوور خلونا نشوفهااا :cool: مافيها شيء ..!!! بعدين قولوا ماشاءالله ترا طاولة الطعاام جابها خدش اليوووم << ياتسذبتس :D ولاتطيب نفسي لاشيء :eek: كلها نعمة ربي يالله من فضلك وربي حرام عليكم مكبرين السالفه مدري على وشووو ؟ :( .. |
رد: الأسبوع الأول من فعالية وش فطوركم اليوم ؟
هلا مصلح
الله حيه ... عجبك الكرسي واللوحه تراها بطعم الكاكاو << من حبها للكاكاو كل البيت بني :D الله يسلمك كلك ذوووق بعدين حاول تخربها وصور السفره الأولى همن الثانيه وش المشكله انا فطووري احطه مرره وحده ماعندي فطوور ثااني :D ناكل شوي ونصلي ونرجع نكمل <<<<<<<<< دبه :D ماحب احط فطورين .. وننتظرك بسفرة الشايب :) . |
رد: الأسبوع الأول من فعالية وش فطوركم اليوم ؟
وربي مااعرف لااصور ولا احمل الصور ولاشيء
هو شيء واااحد اللي اعرفه انه لجاء الدور علي في تجهيز سفرة الفطور تكون سفرتي مميزه...........................................ور ب الكعبه صادقه بس بوش تتميز............................................. ........خخخخخخخخخخ بصراحه انا صعبه علي اجيب فطوري او فطور اهلي يعني لانها ماشاء الله سفره كبيره ومليانه منكل شكل ولون ............................تقال انا ماناكل الا في رمضان يادافع البلا المهم هم مايرضون باالتصويييييييييييير مطلقا عندنا شايب الله يخليه لنا وربي لو يشوف الكميرا يكسرها على راسي وهو صايم اجل بعد الفطور وش يسوي فيني تكفون ياالعزوة انا اسمحولي من الفعاليه هذه وترا جملتك يامصلح والله اني احسها تعورني في قلبي..؟؟ مير سماح لكم كلكم ولااحد يتعذر بي سامعه يانوووت ورطتهااا ههههههههههههههههههههههههههه وفمان الله............................تفطرون على خير ياوخييني |
رد: الأسبوع الأول من فعالية وش فطوركم اليوم ؟
هلاا نوووووووته :)
الله يخلي لتس فلذاااااااات كبدتس لاتقولين قروود حرام عليتس :D بالعكس يحلوون السفرره معكم ... بعدين لاتتحججين انا شارحه شلون تنزلين الصور عن التهررب عاااااااد :mad: . وربي انكن غير متعاوناات بالمرره ورفل من جد ولاوحده للحين حطت صور فطورها :eek: كل وحده تقول لانزلت الثانيه جبت صوري .؟ وأنتي شعليتس من غيرتس حطي اللي عندتس والكل بيتشجع ويحط صور سفرته :cool: . . :( ينتابني شعوربـــ الأحبااااااااط |
رد: الأسبوع الأول من فعالية وش فطوركم اليوم ؟
ههههههههههههه
شموخ متى حاطه هالموضوع عزالله الكبر شين :) والله صاير ماشوف او اني خرفت:) طيب وش هالسفره صدقة الواثقه كأنه قصر بس ماعليج الواثقه ماتشوفينها حاطته بزاويه :) طيب وين الشوربه وهي الاساس ماشفتها طول الله عمرج حنا سفرتنا ارضيه ماعندنا طاولات وكراسي:) وطبعا الشوربه الاساسيه بالاضافه الى التشريب والسمبوسه وفطائر اللحم والجبن وشوية مقبلات للحين تبين الصوره:) حنا نفطر قبل لايأذن:) تقريبا يعني حده حده مامن وقت بس بنحاول تشكرات شمووخ قواج الله |
رد: الأسبوع الأول من فعالية وش فطوركم اليوم ؟
/
شموخ السنعه بصور فطورنـــــــا اليوم ومعهـــا " الخميعة " :D ومقاديرهــا اذا اعجبتس شكلهـا اقولهــــا :more74: بس هاااااااا ترا بدون طاوله :sm47: <-- انا وش لقفني اجي هنيه من اساسوه :sm17: شموخ انزلي تحت شوي بقولك سر لا تعلمين فيه احد بعد تعالي ينفع تطلع خشتي بالصورة :D <-- مو هذي خشتك حتى اعووووووود كوني بخير حادي السهر |
رد: الأسبوع الأول من فعالية وش فطوركم اليوم ؟
هلا أبله شموخ
وش (هـ) السفره اللي تفتح النفس والمشكله أني ما قريت هـ الموضوع ألا وقت النهار يعني الواحد جيعان وعطشان وما له خلق حتى يتذكر الاكل ويطب مره وحده بمواضيع اكل وسفره منمده على طول الغرفه صراحه شي يعذب تعذيب :mad: واللي مستغربه انا سلطان الوايلي ما شوفه اخبره يحب هـ السوالف اللي تخص الاكل :D لانه ما شاء الله عليه ما يشبع ولا يسمن ابداً :cool: العن ابو التحرش معليش سلطان تخبر أمون :more74: يالله نبي نشوف سفر الاخوات ونبي نشوف من هي احسن سفره الجوائز للفائزات كالاتي :- 1 - طقم عرايس 2 - بكلات 3- مشط + مرايه لجنة المسابقه حسب ترشيح المتسابقات تخبرون عشنا مع جو المسابقات هذي الايام ونداشت روسنا يعني لاتواخذونا |
رد: الأسبوع الأول من فعالية وش فطوركم اليوم ؟
هلا محمد
حاطه هالمووضوع من عام السبله تعرفه :D ماقلت لك محتااج دربيل وبهديك دربيل ولايهمك :p أنشهد أن الكبر شين مير الله المستعــــــــــــــان : ) بعدين ياليت بيتي قصر كان ماشفتوا خشتي عندكم هنا << ليه وين بتروحين :D الله يجبر بخاطرك اقتباس:
كانك تقصد شوربة شوفااااااان ماسويتها هذي للعجز موب لي :D وموشرط أساسي عندي أسويها بعد ... وأذا صارت سفرتكم أرضيه عيب تحطونها هنا ؟؟ :eek: أنا أحيان تخمني أم العبيد وأخليه يجلس بالأرض وياكل ويحمد ربه بلاترتيب بلاهم :cool: اقتباس:
الله لايبلاانا ... أقوول خل عنك الهرج وجب فطوووركم :) . حضورك أسعدني يامراقبنا العزيز :D |
رد: الأسبوع الأول من فعالية وش فطوركم اليوم ؟
أهليين حادي السهر
عندي سؤال ذابحني ومزعجني ولاازم تجاوب عليه :D << ماتعرف تسكت :cool: أنت ليه ماتتطلع غير بالفجريه ؟ :D يعني ماأشوف ردك غير بالفجريه وأنا تخبرني عجوووز أناام بكيير :D المهم .. وش قصة الخميعة :eek: تراي ماعرفهااا ياليت تسوونها وتصورونها لي لأن بناات قبيلتكم رفل مع أحترامي :rolleyes: كل وحدةٍ منهن لاراضيه تحط لنا أكله سنعه ولاراضيه تحط فطور وأعزتي لرجالهن بس صايمين ليل ونهاار :D << يالقفتس بس ومومشكله مانبي سفره على طاوله لو أرضي جيبووووووووووووووها ياناس :mad: أهم شيء احد يعطيني وجه :( ومانبي خشتك مع أحتراامي لك :D <<< مافيه أسلووب ابد نبي السفره . دمت بخير |
رد: الأسبوع الأول من فعالية وش فطوركم اليوم ؟
الله يسامحك يأبو صالح
وربي مرات أخاف على نفسي من الجوع والمشكلة أنك ماتشوف نفسك أما قصة أنك تموووووووووووون وربي ما ذبحني غير أميانتك أسف أبله شموخ نسيت أن الموضوع مو موضوع سوالف بس عاد الله يهدي أبو صالح وبعدين يأبله شموخه مشكوره على ((هـ)) السفرة اللي ترد الروح وأقول الحمدلله أني ما دخلت الموضوع وأنا صايم >>>>>> الاخ عارف نفسه زين كان اجيب العيد وتصير شموخ السبب أختي شموخ بدون مجامله السفرة روعه وروعه ورعه وثم روعه ياليت يأبله شموخه ما تنزلين مثل ((هـ)) المواضيع الا بعد الفطور وربي خايف عليك من أذنب يجي واحد صايم مثلي وشرواي ثم يجيب العيد ثم عاد يصير شهر رمضان في ويلان كنه شهر خمسه مرة آخرى تشكرات تشكرات على ((هـ)) الموضوع يأبله |
رد: الأسبوع الأول من فعالية وش فطوركم اليوم ؟
يوووه نسيتس يالواثقه ماشفت ردتس غير عقب :D
سوري عيوووني .. ومافيه سماااااااااااح ياعيووني ومايضرتس شيء لارتبتي وصورتي قبل لايقلطون على الأكل خلي عنتس الحجج.. أنا صورة قبل زوجي يجي على السفرره .! . اللي عرفته أنكن غيرمتعاوناااااااااااااااااااااات وبس .!!!!!! :cool: من جد فشلتووووني ولاهقيتها منكن .!! |
رد: الأسبوع الأول من فعالية وش فطوركم اليوم ؟
أهلآ وسهلآ بــ مشرفنا المميز تركي
الله يحييك منورنا بـــ حــــــــــــواء :) ومن ذوقك تعجبك سفررتي اقلط الله يحييك اجل بكرى ع الفطور :D ومووذنبي أنك دخلت وأنت جوعاااان :( الشكوى لله الموضووع محطووط له أسبوع ومحد راضي يشارك :cool: سليطين داايخ يدور موقفي الرمضااني ضيعه .. بالرسايل مدري انمسح .!! وعقابآ له مانب مرسله موقفي مره ثانيه بلاااش مني ماتشاركووني أنا بعد بصير نذله ولانب مشااركه أحد :D تركي عطني البكلاات والمشط والشباصات انا الفايزه :more3: والله لو أقوول الجائزه محموول هالعجز مايشاركن أبد :rolleyes: . حيااااااااااااك تركي منورناااا بالتأكيد :) |
رد: الأسبوع الأول من فعالية وش فطوركم اليوم ؟
هلا سلطااااااااااان الله يحييك
نورت حــــــــــــواء بتواجدك ... وأنا وشيدريني عنكم لاتدخلوون تتصفحون وأنتم صيااااااام طيب :D مالي ذنب ياأخي ... وكلك ذووق سلطاااااان مشكوور وزين عجبتكم سفرتي .. ماودك تحط فطورك ؟ :D <<<<<<<<<<< ايه هين احد يعطيتس وجه :rolleyes: |
رد: الأسبوع الأول من فعالية وش فطوركم اليوم ؟
هلا شمووووخ
انا حاولت اني انزلكم سفرة الفطور بس الوالد رفض رفض" بات" وذلك لظروف امنيه .. الزبده لو انك عازمتني على الفطور كان ماكلت ولا لقمه من الخريعه <<<<<<<<< بينشغل يتفرج على لوحة الكاكاو :D وتري بناتنا مبطي كذا رفلاااااااااااااااات وطبخهن مامن صمااايل وعشان كذا مايبن يفضحن اعمارهن لذلك خوذيها من قاصرها وانقلي الموضوع الى ارشيف المنتدى . اتحدا لو حطت وحده منهن سفرتها لانها تدري انها من عند يدهااااااا بالطبخ :cool:... وهذا السبب الرئيسي اللي مخلي رجال قبيلة عنزه ياخذون من برا القبيله <<<<<<<< فيه سبب ثاني بس ماني قايله :D شموخ على طاري الخميعه ههههههههههههههه
رقة اليسا يوم تثني قدمها =يصير غصن التوت يوسف افندي ماحاشت المعزا وعشت بهمها = ولاذاقت خميعه بسمن" يندي مشروبها ( تركش كوفي ) لاحشمها = يذوب سكرها وفوره يهدي وماكولها ( كيندر ) ويشهد طعمها = ان الجلكسي ذاب تووه معدي شموخ تسلم يمينك ويعطيك العافيه على المجهود الرااااائع دمتي بخير |
رد: الأسبوع الأول من فعالية وش فطوركم اليوم ؟
اقتباس:
افا يامزيد قلبت علينا ؟ شنسوي ربي خلقنا كذا مدلعات وناعمات ماندخل المطبخ وماناكل خميعه ومليحيه اسم الله علينا وعلى طاري رجال القبيله اقول مير اهجد ابك طلب مهو بصاحي على العنزيات كل القبايل منى عينها تاخذ عنزيه بس مالهم بالطيب نصيب مانا خذ الا من رجال القبيله يا شيخ فؤاد ياويلنا من شموخ قلبنا موضوعها مضارب الباديه << مدري شتبي الموووووووووووهيم انا عندي صور قبل رمضان وانا اسوي بيض تبونها بحطها واحمدوا ربكم بتشوفون الانامل الماسيه |
رد: الأسبوع الأول من فعالية وش فطوركم اليوم ؟
اقتباس:
اعترفي ؟؟؟؟؟؟:mad: انتي نووووت ولا سندريلا :mad: اخبر سندريلا هي حقت البيض :mad: |
رد: الأسبوع الأول من فعالية وش فطوركم اليوم ؟
وجع انا شدخلني
ابشرك كل العايله تبيض كككككككككككككك |
رد: الأسبوع الأول من فعالية وش فطوركم اليوم ؟
ههههههههههههههههههههههههه
لا مزيد انا نوت بس كنت اسوي بيض حق سندريلا تخبرها عندها طقوس خاصه ههههههههههههههههههههههههه |
رد: الأسبوع الأول من فعالية وش فطوركم اليوم ؟
هلا مزيد نورتنا ..
لاحوووووووول خريعه عااد لاتكون من محبين الكاكاو بعد مثلي :D وأنا دريت أن بناتكم رفل وعجز ومايعرفن غير البيض :D الأصناف الأتكيت هذي مايعرفنهااا :rolleyes: ولويعرفنها كان على الأقل وحده منهن شاركت لو بشوربه عنبوبليسكن الشوربه ماتعرفنها :eek: ومن ناحية موضووعي ماراح أنقله للأرشيف على شان سواد عيوونهن :D خله هنا يذكرهن برفالتهن وعجازتهن :p بالله عطنا السبب الثاني مزيد :D ودي أضحك شووي :D وتراكم ذبحتوني وشي الخميعه هذي؟ سألت وحده عنزيه معي بالدوام وقالت أسألي اللي علمتس فيها :confused: << من جد ذيك أخلاقها تجاريه بشكل :D وصح لسانك مزيد أما اليسا هذي هههههههههههههههههههه مشكور لحضورك مزيد لاهنت |
رد: الأسبوع الأول من فعالية وش فطوركم اليوم ؟
واااااااااااااااااااااو صج بدو شنو خميعه انتو هيييييييييييه وين قاعدين ببيت شعر ؟
شموخ انا ماعرف الخميعه اسألي نوووت هي ربة البيت كل يوم عندها عزيمة رجال متزوجه حاتم الطائي |
| الساعة الآن (10:59 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه