اخايل برق تعلى**على الضماير تولى=ماله شبيه ايتحلى**يجرح وايداوي بالكيه
عقد الثمان الارهافي**برق يلمع ضوحه صافي=ومن الشفاه ارتشافي**يشاديها لون الجمريه
حولت اليوم من الشاص**عند المزيونه قصاص=فتت كبدي بالرصاص**لفافة صوف البنيه
ياليتني صوف بيدها**حالف والله لا اجاهدها=وعن خافيها لا نشدها**وش عجب ماتاوي ليه
انا سلمت ولاردت**واحسبها عني صدت=واثريها يومن تعدت**خافت من شر البريه
خلصن المطافيل**واوعدتني تالي الليل=لازلن التعاليل**بالفيضه الشماليه
بالفيضه جيت انتظرها**على وعدها خابرها=ليله وانا متذكرها**بردوهبوب غربيه
جتني تخطى من قبله**والغربي يلعب بالقذله=بعثرها خصله من خصله**وعيوني ماشافت زيه
ومن الفرحه تبخطلت**وبسرعه قمت وعجلت=واهلا هلا قلت**قبل ماتسلم عليه
جتني واجلست بعيد**وبعد التحيه قصيد=يابعد اللي له تريد**انا ما اخاطر بيديه
قلت اسمعيني ياترفه**ماحنا قريب للرفه=وادري كلك حشما وعفه**والبخل تراه اذيه
علي تبخلين بحبه**قولي لي وش هي السبه=ولا انا بيدينك لعبه**على كيفك ياغضيه
قالت لا اتكثر بالهرج**عندي الصبح حلب المرج=تراي احطك بالخرج**ان كانك ناوي لك نيه
قلت ادخلي على ربك**كم لي سنه وانا احبك=وادور زله والعببك**ماتجي مني يابنيه
قالت خلص لاتغلبني**رح يم ابويه واخطبني=صوبتك وانت مصوبني**وهذا حل عن السيه
قلت اجل يالله حوشيلي**ميلي من قدامي ميلي=خدك ياضو الجنديلي**بالعتمه يامحلا ضوه
يابنت انا شمالي**واضح من لبس اعقالي=من طيبتي واهبالي**تعرفيني يابدويه
من قرونك يالشمطري**من ريحك ريحة عطري=حبه وانا متخطري**خدك ورد الجوريه
وخشمك ياسيف شامان**وخدودك ورد ورمان=وعطورك مسك وريحان**نسمة ذعذاع سحريه
من قدك قولي من قدك**لون القمر ياخدك=حدك يابنيه حدك**لاشفتك مدري وش بيه
ماشفت بحسك مملوحه**تتل العاشق مع روحه=بين الشوق وبين اجروحه**وصل حد المنيه
ياللي با اوصافك مطنوخ**انهودك مشمش مع خوخ=يزهالك زبون الجوخ**بليلة برد وشتويه
نجلس على جال النار**ونقصد من عذب الاشعار=ولانهتم ولانحتار**بعين الحسود وراعيه
شيلي اللثمه تكفين**خليني اشوفك زين=عساني اروي العين**منشوفك يالاجوديه
قالت لي والله حرام**هاذي اصول الاسلام=سنة نبي وامام**وعادات عندي مبنيه
قلت انتي وشبك هالحين**كل ماجيتك تروغين=وانا والله مابي شين**بس شوفة حي لحيه
قالت لي مجزي بالخير**ولايجي منك التقصير=وان خان الوصوف التعبير**انت اقرب من حواليه
انا ما ادبر الوصف**خليتيني به اعرف=واغرف من المعنى غرف**يالشحقا يالضومريه
يا ام ال نهيد المنصوب**كنه فنجال مقلوب=منه خطر على الثوب**ايتمزى يالنشميه
فرق الفلجه بين اسنونك**بها ضيعتي مجنونك=شوفيني ميت لعيونك**وروفي يابنت بحنيه
اي والله يابنت الناس**انتي ثمانك الماس=لاشفتك دنقت الراس**احسد نفسي فيه
انتي ثمانك قرطوع**يذهبن العطش والجوع=والشرب لغيري ممنوع**يالحلوه يالغشمريه
والوجنه مثل التفاح**احمر وامريكي ماطاح=والرمش السيف الذباح**وعيون خدرى عذيه
بعيونك يزهى الكحل**مالك وصيف ومثل=فتلتي قلبي فتل**فتل المقهور الرعيه
ولامن مشيتي خجوله**شبه العنود الجفوله=من شافك ياقع من طوله**من فوقه ياصل حدريه
وجيدك ياجيد المهاه**ترتع بفياظ الفلاه=صيادك منك بلاه**وايامه ماهي بطيه
ياشبه الريم العفر**يقطف نوار القفر=وان صدفته مني فر**واسهومه صوبها بيه
ياويلي ما صعب توصيفك**با اوصوفك حستي وليفك=ومن ارقبتي دني سيفك**والموت بحده امنيه
مريت الظهر مريت**من شرقي اطناب البيت=وبالصدف يومن لديت**شفت الظبي الشارد ليه
وبسرعه مسكت ابريك**وحولت ونزلت الجيك=وبنشرت اسلم عليك**ماهو غصب عليه
ومعايه حصلت اسبير**وسويته مابه لي خير=وادور لي عندك غير**يمكن احصل حليه
وناديت بصوتي ياهيه**ابي اسبير امشي فيه=قالت لي والله مافيه**ولاعندي شي اهنيه
قلت اقربي ابي انشدك**قلبي بغلاك معاندك=ماصيدي بس اجاهدك**صبح وظهر وعشيه
يابنيه والله عطشان**قيظ وحاديني الصمان=ومن القوايل ضميان**ورموشك بالشمس الفيه
هالمره اسقيني مي**عطشان ولامعي شي=ما غير اصفق بيدي**عج وسموه شرقيه
تعالي من دون اجفله**هاتي لي الما بسحله=برده من بردالجحله**ومن ايدك يازين الميه
ياشبه الوضحا بالذود**تقود الرعيه قود=ماهي كبيره ياكود**يا ام ثالث يارباعيه
سبتني بزين المثايل**شقرى تقض الجدايل=عليها فوق الخصايل**ليل سواده ايتيه
مع المذهب زين اوصوف**بالحنه تنقش لكفوف=لامرت ليلية شفشوف**ما انشد لوهي شماليه
من قاصرهم بالمقيظ**انا اشهد با انه حظيظ=ياخذ له وقت عريض**مع الحلو التعلوليه
عنقا عليهاعفاف**ماوالله مثله يشاف=من لمسة يدها تخاف**شبه الشرود العبيه
طرقا والخصر ايتمايل**عليها قمت آتحايل=من يعرف بيضا نثايل**ابعدلي منها عليه
ملبوسها كله جز**ما اتعرف شي اسمه جنز=وبالممشى قامتهاغز**ام الوصوف السجيه
سبحان الخالق سبحانه**لولو توه من مرجانه=يمطر سماها هتانه**سحابة وبله وسمي
ودعتها ويوم اقفيت**من الشعر عطتني بيت=وقالت ياخيك ياليت**دربي مع دربك سويه
ورديت ان الله كريم**منشي السحابه والغيم=رمان وواسع عليم**يجمع من ضيع خويه
الهوى هيكه ولا بلاش**كم واحد منه منداش=ومن له هويه ماعاش**ان ما اخذها ياخطيه
وانا جيت اوصف غلاك**وقصر قصيدي معاك=واعذريني وانا ارجاك**على قل المقدريه
وابي اختمها بالتمام**على نبي الاسلام=اكمل صلاه وسلام**محمد رسول البريه

صح لسانك اخوي سلمان على هذه الرائعه
والله لايضرك
والا الامام انشاء الله
تحياتي عادل العايش

المشاركة الأصلية كتبت بواسطة مشاري بن جلوي سلمان صح السانك وعتلى شانك وتسلم يمينك وافي ولايجي منك غير القصيد الوافي دمت ودام ابداااعك تحياتي لك

المشاركة الأصلية كتبت بواسطة بندر المطرفي جميل يا سلمان

المشاركة الأصلية كتبت بواسطة مشاعر حالمه ودعتها ويوم اقفيت**مـن الشعـر عطتنـي بيـت وقالت ياخيـك ياليت**دربـي مـع دربـك سويـه ورديـت ان الله كريم**منشـي السحابـه والغيـم رمان وواسـع عليم**يجمـع مـن ضيـع خويـه الهوى هيكه ولا بلاش**كم واحـد منـه منـداش ومن له هويه ماعاش**ان مـا اخذهـا ياخطيـه سلمان الردسا ... رااائعه جداً ... سلمت ولاندمت يالطيّـــــــــب,, تحيتي لك / مشاعر حالمه ..

المشاركة الأصلية كتبت بواسطة محمد الزناتي الله الله روووووعه وأبداااااااع وجزالة صح لساااااااااااااااااااااانك لا هنت

المشاركة الأصلية كتبت بواسطة هزاع الساري صح لسانك ولاهنت

المشاركة الأصلية كتبت بواسطة جايز شكرا لك على هذه الرائعه يا ســـــــــــــــلــــــــــــمان وقصيده رائعه تضاف الى روائعك ولن فاز بها عكاشه

المشاركة الأصلية كتبت بواسطة عادل العايش صح لسانك اخوي سلمان على هذه الرائعه والله لايضرك والا الامام انشاء الله تحياتي عادل العايش

المشاركة الأصلية كتبت بواسطة محمد المقبل سلمان الردسا صح لسانك تقبل تحياتي

المشاركة الأصلية كتبت بواسطة تركي صالح الاخ القدير / سلمان الردسا صح لسانك وسلم بنانك على هذه الرائعه لانها فعلاً رائعه بل فائقة الروعه صورتها لنا بأجمل تصوير وأروع ما طرحة به كلماتً ساحريه ومعاني تخللت مخيلتنا بجمالها وروعتها دمت وسلمت بما قدمته لنا وتقبل فائق التقدير والاحترام

المشاركة الأصلية كتبت بواسطة فهدالعفرا صح السااااااااااانك وتعلا شانك ودمت

المشاركة الأصلية كتبت بواسطة !الواااثقة! صح لسااانك مليااار مع مليااار وصح كل كلك ياالشاعر سلمان الردسا مجاراة رائعة وتتفوق جزله من راااس جزل تسلم يمناك ولااااااهنت لاخلى ولاعدم ياالنشمي

المشاركة الأصلية كتبت بواسطة عبدالله الحجيلان سلمان صح لساااانك على هالفاتنه وسلم بنانك لاهنت ياسلمان

المشاركة الأصلية كتبت بواسطة سندريلا قصيده جميله وموسيقى اجمل صح لسانك تحياتي

المشاركة الأصلية كتبت بواسطة ماجد الجعفري الأخ العزيز/ سلمان الردسا صح لسانك على هذه الأبيات الصادقه و الرائعه وعلى هذا الأ بداع الجميل

المشاركة الأصلية كتبت بواسطة عنزي وبس صـــح لــســانــك

المشاركة الأصلية كتبت بواسطة عبدالعزيز فريج الخدلي الاخ الشاعر /سلمان الردسا صــــــح لســـــــــانك ولاهنت

المشاركة الأصلية كتبت بواسطة طلال معيض يعطيك الف عافيه على هاالمجاراه الرائعه وتقبل تحياتي

المشاركة الأصلية كتبت بواسطة الـــحـــبـــلانـــي الأخ الــشــاعــر : ســلــمــان الــردســا صـــــــــح الــســانــك .. واعــــــتـــــلاااا شــانـــك .. ولاهــنــت يــالــغــالــي ... بالفيضه جيـت انتظرها**علـى وعدهـا خابرهـا اليلـه وانــا متذكرها**بردوهـبـوب غربـيـه يابنت انـا شمالي**واضـح مـن لبـس اعقالـي مــن طيبـتـي واهبالي**تعرفيـنـي يابـدويـه ابــداااااااااااااااااااع الــى ابــعــد الــحــدود .. يــاســلااام عــلــيــك يــالــغــالــي ..الــى الامـــام دوم ... لـــك خــالــص .. تـــــحـــــيـــــاتـــــي ...

المشاركة الأصلية كتبت بواسطة برق الحفر صح لسانك ولاهنت