انا لإعداء ابو وضاح
اخواني واخواتي اعضاء وزوار منتدى ويلان
افيدكم علماً بأنني مع ابو وضاح قلباً وقالباً بعنوان " أتحاد الشيبان" فمن يتعدى على ابو وضاح نقف له بالمرصاد
العود هو العود قفلٍ ومفتاح = رفقه بلا سلفه ولا هي نسابه يفزع وانا افزع ياحصل فيه صياح = الجد جدٍ والدعابه دعابه ونبي ندقق بالهدف يابو وضاح = من شان نخصم خصمنا بالطلابه تعرف ترى الحكمه عظيمه بالارباح = وانت بليغ المنتدى بالخطابه وانا بطفيح الموج والا انت سباح = تفعل فعيل القرش واسد غابه وانا لعدوك قمت ناطح وبطاح = عدو راس العود وش يحترى به لعينك ادحه دح من كف دحاح = يصعب على اسعافه اسعاف الطبابه واصير له بالنوم طوفان واشباح = مايسمع العودين ويقول جابه ماهو قليل شر يفتر ياطاح = مار الاسد يغلب رعيل الذيابه ياما حلا بالمنتدى هوش الامزاح = حك المعادن بالحكم والادابه امعاند الطيب نحبه ونرتاح = يضغط اعصابي ثم ا نا اضغط اعصابه |
الاتحاد قوه يابو طلال قصيده جميله تحياتي لك ولابو وضاح
|
شهاده نعتز فيها من مثلك وشرواك
والله يحفضك |
كـــــــــــفـــــــــــو يابو طـــــــــــــــــــــــــــــــــــــلال
لكن الله يعينك يااخوك الرجال يتغدى واحد ويتعشى الثانى والله تبى تتعب وهذا وا لله جرالى --------ابو وضاح اخوى وانا اعرفه لكن الحمد لله اللى جابك تفزع معه تعفينى تقبلو تحياتى |
صح لسانك
وياهلا بالمساند لبووضاح والفزعه ماهي غريبه من الوايلي دمت بخير ولاهنت |
الاخ العزيز سالم الجهبل................................. تحيه طيبه وبعد***************قرئنا مشاركتك على قصيدة اتحاد الشيبان تبين لنا انك بلخط المعاكس لهم وربما ظارة نافعه لقد اخترقنا دفعاتك الاستراجيه من اول مره ...........***
|
الحميدي النبات* ياهلا ييييييييييييييييييييييييييييييياهلالالالالالالالال ا ياهلا والف هلا بك وبنواياك الحسنه اتجاه اتحاد الشيبان........
|
قالو قديما انطح اصياح بصياح00000 تسلم وانا اقول المواقف تشابه
يااللي تسل سيوف وتسن الارماح00000كاتب وتجهل في فنون الكتابه الملعبه تبغى فطيــنٍ ولماااااااااح00000 بلاغته تعمي عيون الرقابه |
الأخ عبيدالله مهل
هلا وغلا والاتحاد قوووووه لكن الكثره تغلب الشجاعة خلك حذر من الشباب الخبره نوب ماتنفع من بعيد لبعيد وانت حر وتسلممممممممم على الأبيات الجميلة تقبل تحياتي عسى تدوم أيامنا افراح بافراح ==============ونفرح بجمع الربع شيب وشبابه |
ياما حلا بالمنتـدى هـوش الامـزاح
....................حـك المعـادن بالحكـم والادابــه امعانـد الطيـب نحـبـه ونـرتـاح ....................يضغط اعصابي ثم ا نا اضغط اعصابه كلام جميل يالشملاني....................وإحساس بالفزعه صادق الله يعطيك العافيه........ولكن هذي قصيده ماهي محاوره....ليتك حاطها بمنتدى الشعراء عموما صح لسانك ولاهنت.. |
الاخ العزيز الزرعاوي
اشكرك على مرورك الكريم وملا حظتك في مكانها ولك جزيل الشكر...... |
عبيد مهل
اعتقد انك سوف تكون الهدف التالي لي حسب المهام الموكله الي تحالف لن يغير من وضع العود اي شي بالعكس اصبح لنا هدف جديد نتعامل معه باسلوب جديد انت اللي فتحت الباب على نفسك كتائب ابو عمر قسم الدفاع الجوي |
يعطيك العافيه
شكرا |
اتحاد ناري
الله يعين الاعداء على هذا الاتحاد صح لسانك يا الشملاني |
| الساعة الآن (12:56 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه