محتاج حاجة غير عن كل حاجه=تسهل صعوبتها على من وجدها
بنت الخيـال اللـي نهـار المواجـه= تاصل على خط النهاية وّحدُها
مابين عاشقهـا وعنـق الزجاجـه=حضورها عقب البطا في وعدها
وأن كان عاشقها تكدّر مزاجه ؟=يشـوف هالعالـم كبـر كـف يدهـا
أن أدبرت بحرٍ تلاطم أمواجه = وأن أقبلت غيث الغيوم ومدُدها
أول بشايرها : ضجيج ولجاجه = وآخر بشايرها : تسُود أبلدها
رست بــ (مرُسي) يوم ثارت عجاجه = وطشت (معُمر) في غياهب لحدها
تعيش مع ضيق الزمن وأنفراجه = ماهمها هم الشعوب وعددها
قبل طريق العابرين .. أزدواجه = يقتل مهابتها ويزرع نكدها ؟
تفتح طريق اللي يدور خراجه = أصعب مسافة ماتبيّد جهّدها
مغرورةٍ تأخذ من الوقت تاجه = مسطورةٍ تضحك على من نقدها
على كثر ما بالبشر من سذاجه=الله رفعها واعتلت من مهدها
من طهر مبداها وندرة رواجه = ماصافحت كفٍ يخون بعهّدها
لها صباح الخير يضحك حجاجه = كن الصباح يّعزي اللي فقدها
أحلى من الشهد المصفا (....) = وأمُـر مـن مُـر المُعـانـاه وأدهــا
في روحها سر الفرح وابتهاجه = يحيا بها صدرٍ شرب من شهدها
ديمومةٍ بين القراح وهماجه = تروي جفاف الارض غيمة بردها
بنت الخيـال اللـي نهـار المواجـه= على ضفاف العز رأيه سعدها

أسم القبيلـه .. يارجـال القبيلـه=أسمٍ على الاسماء سما وأسمها غير

وجودكـم فـي منتداكـم يشيـلـه=وغيابكم ماشـوف لـه أي تبريـر

مامـن عـذر ياكاسبيـن النفيلـه=وأنتم أعلام ومبدعيـن ومشاهيـر

أسماء شهيـره والقبيلـه أصيلـه=أمجادها منكم الـى سالـم الزيـر

المنذريـه يـوم جتـكـم دخيله = لعيونها ثارت حشود وطوابير

يوم الفعايل بالسيوف الصقيله = ذي قار تشهد للعيال المناعيـر

المجـد غايـه والحميـاء وسيـلـه=وبأفعالكم سطرتم المجـد تسّطيـر

تكاتفـوا .. تـرى التفّـرق فشيلـه=هذا مجـرد رأي نصـحً وتذكيـر

وأنتم لها ياهل النفوس النبيله =تاريخكم أجمل حكايه وأساطير

دام الهدف هو رفع أسـم القبيلـه=أسمً على الاسماء سما وأسمها غير