مشتاق له بالحيل ميّت من الشوق=والشوق فيني واصل اليوم حدّه
غايب وأنا قلبي من البعد محروق=مدري وش اللي ناوي (ن) عقب صدّه
أحيان أقول إنّه من القلب مسروق=يبغى وصالي بس غيري يردّه
وأحيان أردد ليه والصوت مخنوق=موج الغلا يا شين جزره ومدّه
وأحيان أردد كل مطرود ملحوق=باكر يبيّن ويش ناوي وودهّ
بسّ الأكيد غني أحبه ولا أروق=يا غير لا شفته ولا مست يدّه
مخلوق لكن غير عن كل مخلوق=أرتاح لامن شفت ضحكات خدّه
الدم يا خفّه وبِهْ حِسن منطوق=وإليا حكى ما كنّ بالناس قدّه
المسك بأنفاسه وهو منبع الذوق=واللي يشوفه غصب عنّه يودّه
أصبحت أنا ويّاه عاشق ومعشوق=مير الغياب اللي بلا عذر مدّه
حسبي على برقا وحسبي على روق=خلوا حياتي بين ضيق (ن) وشدّه
ليته يعرف إن الهوى حق وحقوق=من شان درب البعد عني يسدّه
الزين ما يشفع ولا يرفعه فوق=بالذات لامن وقّف الوصل ضده
شمس الغلا ما تنوي لا غابت شروق=والبيت دون السّاس سهل (ن) تهدّه
حتى لو إنْ حبه له جذور وعروق=ماني بمتعوّد دروب المكدّه
إما يجيني شوق وأجيه بالشوق=ولاّ النّظر لا عاد فيني يلدّه
وإن كان ينوي بيعة العشق بالسوق=والله لبيع العشق وأبيع جدّه

المشاركة الأصلية كتبت بواسطة حمد الضوّي (المشاركة 407889) عبدالرحمن الجابري صح لسانك على هذه الشامخه بشموخك إبداع بلا حدود لافض فوك . الف شكر على الإتحاف والف نعم فيك وفي من إهديتها إليه ودي وتقديري

المشاركة الأصلية كتبت بواسطة بنت راشد (المشاركة 407891) عبدالرحمن الجابري صح لسانك على هذه الشامخه بشموخك الله يعطيك الف عافية والله بافيك

المشاركة الأصلية كتبت بواسطة محمد المالكي (المشاركة 407899) وعليكم السلام ورحمة الله وبركاته الشاعر / عبدالرحمن الحربي ( عظيم المشاعر ) مثل هذه الرائعه ولما لآ ترتقي الى ذائقتنا , تفردّت بما كتبت , وحوت اماني كُل قاري انها كُتبت به .. صح لسانك ..

المشاركة الأصلية كتبت بواسطة ابوسلطان العنزي (المشاركة 407917) الاخ عبدالرحمن الحربي صح الله السانك ولايستغرب منك شاعرمتمكن والله يفقك

المشاركة الأصلية كتبت بواسطة بدرفهد الجعفري (المشاركة 407965) الله الله على هذا الابداع يا الجابري انت شاعر كل يوم ترقى صعود ابدعت وامتعت فصح لسانك

المشاركة الأصلية كتبت بواسطة خلف الغريب (المشاركة 407968) صح لسانك اخوي عبدالرحمن ومشاعر لا شك عظيمة تحياتي لك

المشاركة الأصلية كتبت بواسطة صالح الأسود الجعفري (المشاركة 407991) عبدالرحمن الجابري وانت سالم وصح السانك نص شامخ دمت بخير

المشاركة الأصلية كتبت بواسطة سعد النفج (المشاركة 408266) عبدالرحمن الجابري .. صح لسانك و لا يستغرب هذا التميز من شلعر بحجم عبدالرحمن الجابري .. دمت بود

المشاركة الأصلية كتبت بواسطة ناجي الصقار (المشاركة 408267) عبدالرحمن الجابري صح لسانك ملايين على هذه النص الشامخ ولا هو بغريب عليك الأبداع والتمييز دمت بود