°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - (مرثيه بالشيخ صالح العنزي) (http://www.weelan.com/vb/showthread.php?t=24105)

(مرثيه بالشيخ صالح العنزي)

هذه القصيدة كتبتها مرثية بصالح بن دخيل ابن مغرا العنزي الذي توفي مغدورا رحمه الله

الظلم ظلمه والحياة اسرار والخافي يبين=وان ماطلع بالاوله يطلع بيوم الاخره
علمٍ وصلني مار قمت اقلبه شك ويقين=وكذّبت مضمون الخبر في مرجله ومكابره
لين اتضح لي ماحصل وآمن ضمن المؤمنين=وكتب بخطاط الحزن حبر الدموع العابره
تم اغتيال الشيخ صالح واصبروا ياصابرين =دام الاجر ماتاخذه غير النفوس الصابره
العين تدمع والشعور يحرك القلب الحزين=الله يعين اللي دموعه بينت في ناظره
رجلٍ كريم لياعطى مايحسب حساب الثمين=انا اشهدن ان الرجال اللي بحجمه نادره
اعد واغلط لكن انه مشتهر في حاجتين =هذا الكرم والمرجله طبعه وربي خابره
والله ليبقى ذكره الراسخ على مر السنين=وتبقى فعوله بينه لو كان في مقابره
صالح لحاله بالمراجل واسمعوا ياسامعين=تبقى مراكز غيبته بين الاوادم شاغره
الله يرحم شيخنا والله يذل الضالمين=والله يعينك يالعيون اللي بحزنه ساهره
حتى قضية غدرته يندى لواقعها الجبين=شلّت يديكم كلكم ياهل اليدين الماكره
الله يورينا بكم يالضالمين المفسدين=تباً لكم ياهل الوجيه المضلمه والغابره
الثلة اللي وضعهم مزري بلا دنيا ودين =تبقى بعون الله كذا من حادره في حادره
ثلة شياطين تربوا للغدر بالامنين =والا لياحظر المواقف كلبوها صاغره
والموت سنه كلنا عن البسيطة راحلين=وطوبى لكم يااهل النفوس الطيبه والطاهره

رحم الله صالح دخيل واسكنه فسيح الجنان

الشاعرالحميدي طالب . ياهلا بك وسعيدين بهذه العوده وان شاء الله تكون مستمرا لمناسبات افضل

صح لسانك وجزاك الله خيرا

الشاعر / الحميدي بن طالب العنزي

الف صح لسانك على هذه المرثيه المؤثره
ويعلم الله أنه لمصاب ٍ لنا جميعا ً ولكن قدرة الله لاترد ونحن مؤمنون بذلك
والله يرحم الفقيد ويسكنه فسيح جناته ويجعله في الدرجات العليا من الجنه ويسكنه مع الحور العين
ويلهم أهله وذويه الصبر والسلوان ونقول لهم أحسن الله عزاكم وعظم الله أجركم

و من غدر به اللهم شل يديه وأرنا به عجائب قدرتك وإجعله في الدرك الأسفل من جهنم
ياحي ياقيوم ياذا الجلال والإكرام إنك أنت السميع المجيب

وإنا لله وإنا إليه راجعون

وأعيد وأقول بيض الله وجهك حتى ترضى

دمت بخير وعافيه

حياك الله اخوي الحميدي بن طالب

والله يرحمه ويجعله من اهل الجنة

ويصبر اهله على مصابهم الكبير

والله يعطيك العافية على القصيدة المؤثرة

لك كل الشكر

رحم الله صالح دخيل واسكنه فسيح الجنان

وبيض الله وجهك على هذه المرثيه التي اتت من قلب صادق ووفي

صح لسانك

رحم الله صالح العنزي رحمةٍ واسعه واسكنه فسيح جناته

صح لسانك يالحميدي وعادتك الجزاله لله درك

كُن بخير

رحم الله الفقيد صالح بن دخيل رحم واسعة واسكنه فسيح جناته.....والهم اهله وذويه الصبر والسلوان .

اشكر كل من مر من هنا......كل بمفردة...يعطيكم العافية

رجلٍ كريم لياعطى مايحسب حساب الثمين

انا اشهدن ان الرجال اللي بحجمـه نـادره

اعد واغلط لكن انه مشتهر فـي حاجتيـن

هذا الكرم والمرجله طبعه وربـي خابـره

والله ليبقى ذكره الراسخ على مـر السنيـن

وتبقى فعوله بينه لـو كـان فـي مقابـره

صالح لحاله بالمراجل واسمعوا ياسامعيـن

تبقى مراكز غيبتـه بيـن الاوادم شاغـره

الله يرحـم شيخنـا والله يـذل الضالميـن

والله يعينك يالعيون اللـي بحزنـه ساهـره

المبدع / الحميدي بن طالب ,,

صح السانك وعزالله قلت واوفيت رغم ان ابو عبدالرحمن رحمه الله ماتنعد جمايله ومواقفه الطيبة وهو خسارة كبيرة لنا جميعاً والمصاب موجع

تقبل تقديري وودي

رحم الله صالح دخيل واسكنه فسيح الجنان

وبيض الله وجهك اخوي الحميدي

وصح لسانك مليوون ولايسدون

كل الشكر لك