السلام عليكم ورحمه الله وبركاته
بعد الغياب لكم الجديد

صدفه بلا موعد اشوفك والاقيك=قلبي يمشيني وبالصدفه القاك
تمشي وخطواتك لدربي توديك=وتمرني من دون ماتنطق شفاك
واسج في زولك وانا رغبتي فيك=ودي ابين شي مااظن يخفاك
اقراء خفوقك في مراسيل عينيك=واجاوبك والقلب في نظرتي جاك
من يوم شفتك والمعاليق فيديك=ارفق على هونك بقلب(ن)تمناك
سبحان منهو في وصوفك محليك=سبحان رب(ن)ميزك يوم سواك
ذبحتني يافاتني في تغليك=وادري ماهو طبعك لكن زينك اغواك
فيك الدلع والغنج والحسن مطغيك=واسرفت في قلبن تولع بلاماك
تعال واسكن داخلي كان يرضيك=اقلط بوسط القلب وتشوف مركاك
تعال عطني من حنانك وابعطيك=قلبن اليامنه عشق مات لرضاك
غيرك ترجاني وانا جيتك ارجيك=وياكثرهم قلبي تركهم وبداك
لاتضيع الفرصه وهي بين اياديك=خلها على موعد ماهو صدفه القاك

غيرك ترجاني وانا جيتـك ارجيـك
وياكثرهـم قلبـي تركهـم وبـداك
لاتضيع الفرصه وهي بيـن اياديـك
خلها على موعد ماهو صدفه القاك

صح لسانك مليار على هذه القصيده الرائعه
والتي بالتأكيد خلفها شاعر مبدع ومتميز
بارك الله فيك وسلم فكرك الراقي
لاخلا ولاعدم يالبناخي