يالظلام اللي غشيت بظلمتك جو المدينه=روح يم اللي ملك قلبي وقلّه ويش صابك
يالغرام انا دخيلك قلبي وش له تعذبينه=يشتكي من لوعة الأشواق ومن لوعة غيابك
يرتجي شوفك ولا فكرتي يوم إنك تجينه=ابتليتي فيني مدري قلبي اللي ابتلابك
كنت أقول الحب لعبة يقتل عقولٍ ذهينه=لين قلبي في دروب العشق يازين التقابك
تذكرين أول لقانا يالحبيبة تذكرينه=وين راحت ذا المشاعر ودّي أسمع وش جوابك
أذكر إنك تمسحين دموع في عيني حزينه=وأذكر إن كل باب مقفولٍ بوجهي غير بابك
وأذكر إنّك أجمل احساس المحبة تملكينه=وأذكر أيام الهنا والسعد يوم الحظ جابك
في عيونك بحر واسع من يشوفك تسحرينه=منحلاتك يحسب إن البدر من داخل ثيابك
وكل حرف يفز بين شفاك قبلك تنطقينه=وتنزعين قلوب لدّت عينها بحضرة جنابك
والله مالوم القلوب العاشقة صارت رهينه=وقلبي الغرقان مالومه ليا منّه حكابك
ودي أعرف وش سبب غيبتك واللي تطلبينه=حالتي يرثى لها عقبك وكله من سبابك
عايش بحيرة وعمري ضاعت بدونك سنينه=ارحمي عزيز قومٍ ذل من قوّة عذابك
الله يلعن ذلةٍ بالحب ويلعن من يدينه=كان حاله مثل حال اللي يطارد في سرابك

المشاركة الأصلية كتبت بواسطة العنود حسين (المشاركة 363316) الشاعر القدير /عبدالرحمن الحربي كلمات كتبت من ماءالذهب عجزحرفي عن التعبير اقول صح لسانك وعلا شانك ولاهنت قصيدة في قمة الروعة تقبل تحياتي

المشاركة الأصلية كتبت بواسطة محمد البويليد العنزي (المشاركة 363481) عبدالرحمن الجابري صح الله لسانك حتى ترضى قصيده شامخه بشموخك كل الشكر لك دمت بخير

المشاركة الأصلية كتبت بواسطة محمد دعسان (المشاركة 363510) صح السانك ياالجابري حقيقه ابداع سلم لنابوحك ننتظر القادم دمت بحفظ الخالق

المشاركة الأصلية كتبت بواسطة مشهور الرشدان (المشاركة 364279) الشاعر القدير / عبد الرحمن الجابري الحربي صح لسانك وعتلا شانك على هذه القصيده الشامخه بشموخ سموك الكريم لله درك على هذا الابداع وانا من متابعينك بنتظار جديدك حفظك الله ورعاك

المشاركة الأصلية كتبت بواسطة بندر السديري (المشاركة 364282) عبدالرحمن الجابري صح السااانك ياالغالي نص راائع بروعة حضوورك ابدعت ياالشاعر تحيااتي

المشاركة الأصلية كتبت بواسطة بنت الكحيلا (المشاركة 364289) صح لسانك اخوي عبدالرحمن الجابري والله يعطيك العافية على القصيدة الرائعه ابدعت بهذا البوح الراقي والجميل لك شكري وتقديري