الليل له عندي مقام ومكاني=رفيقي اللي لويجورون ماجار
لاقبل ظلامه حل عقدة لساني=اسهر معه واسامره لين الاسحار
ابديت له سري وخافي زماني=يومٍ غيره ضاقبه كتم الاسرار
له اشتكي همٍ بوسط المحاني=من صاحبٍ تقطعت عنه الاخبار
حبه تملكني وحظي عصاني=مدري نساني او تصاريف الاقدار
ياويل قلبي كان خلي نساني=والله لاضيع وتالي العمر بشهار
ابعد ومن بعده فقدت الاماني=كني سجينٍ خايف لحظة الثار
مقدر على فرقاه لوهي ثواني=حبه سرى بالدم والقلب له دار
حتى القصايد له تحن وتعاني=قصايدي عن وصف غيره لها اعذار
ماطعت في حبه عذولٍ نهاني=ولاردني عن صاحبي كثر الاشوار
وشلون ينساني وينسى حناني=وينسى دموعٍ يوم لقياه تنثار
وينسى مواعيدٍ عليها احتراني=وينسى عزومٍ يوم فرقاه تنهار
ياليل خبر صاحبي لو نساني=منساه لو تنسى البدو حشمة الجار
بعطيه ودي لو جحوده عطاني=وابقى على عهده لو ان الزمن دار
ياليل كل اللي سمعته أماني؟؟=خلك على سري كتومٍ وستار

الشاعرة القديرة / غمووض الشمال


صح السااانك ملايين اختي

ما اجمل ماقرأت هنا ياغموض من الق

نص امتزجت فيه العذوبه وجمال المفردة وصدق المشاعر

استمتعت بقرائتي لكل شطر من قصيدتك



حتى القصايد لـه تحـن وتعانـي
قصايدي عن وصفه غيره لها اعذار

اعتقد ان هناك خطأ املائي

وزيادة في حرف الهاء

ليكون الشطر ..

حتى القصايد لـه تحـن وتعانـي

قصايدي عن وصف غيره لها اعذار

دمتي كما انتي ياغموض مبدعه ومتألقه في سماءالشعر

تقبلي مروري واحترامي

كووني بخير

لاقـبـل ظـلامـه حــل عـقــدة لـسـانـي