السلام عليكم ورحمة الله وبركاته
تشرفت بإلقاء هذه القصيدة في حفل أهالي محافظة تيماء المقام بتاريخ 24 / 3 / 1432 هـ
بمناسبة قدوم الملك حفظه الله من رحلته العلاجية

حبيب الجزيرة مرحبا والقلوب شهود=تباشر بك القمري وغنا وهلا بك
فرح بك كبير العمر والشب والمولود=وهتف لك ضمير الشعب مرحى وحيا بك
هلا ما غرست من الفرح بالقلوب ورود=وهلا ما مسحت دموع من لاذ في بابك
هلا كثر حسناتك , هلا يا زعيم الجود=هلا كثر ما سولف بك الشعب بغيابك
هلا بك كثر ما هب فوق البسيطة نود=وكثر ما ازهرت واصبح بها الورد متشابك
قدومك قدوم النور يالكوكب المفقود =وحضورك حضور الغيث يا زين تسكابك
سيول المحبة جتك تمشي بدون سدود=من اقصا شمال المملكة ودها ترابك
شف افراح تيما واهل تيما تشوف حشود=يشارك بها هداج واعلن بترحابك
لك بقلب شعبك حب خالص بدون حدود=ملكت القلوب وصابها الذعر بمصابك
حملت الهموم هموم شعبك , وفوقه زود=وتألم جسدك ومن سببها الالم صابك
كذا طبعك الاخلاص للواحد المعبود=جحدت الصواب وقلت يالعرق نرضا بك
كلامك يبل كبود , وايضا يعل كبود=يدٍ تبذل احسان .. ويدٍ تحتمي غابك
محنك عطاك الله حكمة وقو زنود =دحرت الصعيب وقلت يا صعب ما اهابك
اذا ثارت شعوب الممالك وفود وفود=وقفنا وفود وفود ندعي لمن جابك
عسى الله يعطر تربته راس ذاك العود=ومادام انت حي له فهو دوم يبقى بك
جدودك جدود العز يا حيها من جدود=واذا انت الحفيد فيا زمن نوخ ركابك
ولانا لحكمك ما نشهد عليه شهود=من طريف لحدود الوديعة رضينا بك
تناخت قبايلنا على عهدها المعهود=ولا فيه حزب , احزابنا هي هي احزابك
رزقنا بك الله , وابتلابك عدو مقرود=والا واتعاسة من بالايام يبلا بك
كفوفك سيوفٍ حدها للقا مجرود=واللي ماهداه الله يبي يقضعه نابك
دحرت الفتن واخزيته الفاسق النمرود=وهذا الله معاقب من نوا يحرق اعصابك
امام الهبايب صرت طود حمى له طود=رياح المشاكل ما قدرت تشلع اطنابك
تمسكت بالقرآن وبسنة المحمود=ووقفت بطريق الشر , وتوزع اطيابك
ولاهو غريبٍ منك هالمجد يا ابن سعود=جدودك بنوا هالبيت والبيت يزها بك

المشاركة الأصلية كتبت بواسطة بندر السديري (المشاركة 340633) خلف الغريب صح الساانك ياالغالي وعزالله انها قصيده جزله من شاعر جزل بيض الله وجهك تحيااتي

المشاركة الأصلية كتبت بواسطة غموض الشمال (المشاركة 340673) استاذنا وشاعرنا القدير / خلف الغريب صح لسانك ألوف وملااايين ولاهنت اخوي تسلم يمينك على هذا النص الشامخ وتقبل مروري المتواضع تقديري لك

المشاركة الأصلية كتبت بواسطة سعد النفج (المشاركة 340732) الرائع و صاحب الحضور المذهل : خلف الغريب .. صح لسانك .. نص يستحق الإشادة .. لا غرابة فـ أنت خلف الغريب صاحب النصوص الراقية و الاسلوب الجميل .. نص مليء بالشعر .. شاعر مميز و تصغر الكلمات أمام شموخ حرفك .. فقط تقبل مروري و اعتذر على تواضع هذا المرور .. دمت بود ..

ابن الاكرمين حماك الله بكم اقتدى الكرم
من مغربي تحية شموخ والشموخ لكم علم

تحية عبر منتداكم لخادم الحرمين ابا متعب

المشاركة الأصلية كتبت بواسطة بنت الكحيلا (المشاركة 340733) صح لسانك اخوي خلف الغريب وتسلم على هذه القصيدة الرائعه والشامخه وهي غير مستغربه من شااعر متمكن مثل الله يعطيك العافية لك شكري وتقديري

المشاركة الأصلية كتبت بواسطة حمد الوايلي (المشاركة 340744) الشاعر القدير الاستاذ\ خلف الغريب صح السانك وعلا شانك لاغرابه من الابداع اذا وجد في بحر الابداع شاعر متمكن تمتلك النفس الطويل ماشاء الله تبارك تستطيع السيطره على الموضع وعلى التسلسل فيه قدره على ايضاح الموضوع بطريقه مميزه شكرا على هذا الرقي تقبل مروري المتواضع

المشاركة الأصلية كتبت بواسطة سالم صالح (المشاركة 340780) الراقي ,,, خلف الغريب ,, صح السانك وبيض الله وجهك دائم وانت تشرف الحفل اللي تحضره لا وبتميز لافت بعد شاعر متمكن ومبدع الى ابعد حدود الابدااااع ولو اثنينا عليك يابو خالد مايكفيك قدام جمال ابداعاتك التي تلامس القلب دائماً تقديري لك وودي

المشاركة الأصلية كتبت بواسطة سليمان مفضي العنزي (المشاركة 340835) كل شيء جميل في هذا القصيده بدء بمن ثيلت فيه وبشاعرها وطاروقها وكل شيء فيها جميل خلف الغريب لاغريب فأنت شاعر متمكن دائما صح لسانك