يابنـــت انا كانك تريـدن الاخبـار=حـــرن كفخ بين الحرار الســـدارا
اللي بريق افعالهم مثل الاقمــار=يضــوي سناها فالــدجا ماتــدارا
على حياة الجد والوالــد البــــار=محمـد الاحمــد زعيم الحرارا
انا حفيدن للثقافه والاشــــــعــار=ســم الكبود وشــوق بيض العــذارا
اللي تمنى وصلي بسر وجــهـار=تـحـر وتبرك والحشا شب نارا
تقول ليتك ياالسديري لنا جــــار=انا اشهد انك كسب طيب وجوارا
احب مالي فاالعمر شبت النـــار=إخذي ولد ولو الزمان استدارا
ابرا لعــكفان الشوارب والانوار=اللي رفعوا رايات عز ومنارا
اسوق رجلي بين ريضان وازهار=واشم ريح العشب وانسى الديارا
شوف الصحاري وهدة الطير لاطار=يجلي عن النفس العمس والغبارا
اغض عن زلت رفيقي الانظار=تشفع له وسومن بصدري يسارا
اموت ماخنته ولا بحت الاسرار=سلمن لجدي صنعتن واحتكارا
واعرف مواجيبي على الضيف والجار=واطلق حجاجي لو جروحي تبارا
اقرى على الضايق تبارك والاذكار=واداوي جروح الهوى والحيارا
واخير منها ركعــتينن باالاســحار=لاطـاب نوم اللي حياته خسارا
قد قالها بن حميد واقولها امرار =حكمه على مر الزمن ماتوارا
وامشي مع الطيب وتفداه الاعمار=بحرن على الشدات مالي قرارا
والا ا لردي ماله مكانن ومـــقدار=مالـه علي دروب والا مسارا
نقصن على الدنيا ولو صار ماصار=اصد عـنه ومااستمع فيه شارا
لا ناشــــدن عنه ولا ابـيله اعـــذار=قربه مهانـــــه للمراجل وعــارا
جتك الطواريق الجزيلـه والافكار=تسطع مثل شمس الضحى باالنهارا
قلادة العــــز المرصع باالاحجــار=منقوش بحروف الذهب للسدارا